ଫିଲିପାଇନ୍ସରେ ‘ଏୟାର ନିଉଗିନି’ ବିମାନର ଜରୁରୀ ଅବତରଣ, ୧୪୬ ଜଣ ସୁରକ୍ଷିତ

ମାନିଲା: ହଂକଂରୁ ପାପୁଆ ନିଉଗିନି ଅଭିମୁଖେ ଉଡ଼ାଣ ଭରୁଥିବା ‘ଏୟାର ନିଉଗିନି’ ବିମାନର ଇଞ୍ଜିନରେ ନିଆଁ ସଙ୍କେତ ମିଳିବା ପରେ ଶନିବାର ଦକ୍ଷିଣ ଫିଲିପାଇନ୍ସରେ ଏହାର ଜରୁରୀକାଳୀନ ଅବତରଣ କରାଯାଇଛି। ବିମାନରେ ଥିବା ୧୩୭ ଜଣ ଯାତ୍ରୀ ଏବଂ ୯ ଜଣ କର୍ମଚାରୀଙ୍କ ସମେତ ମୋଟ ୧୪୬ ଜଣ ସମ୍ପୂର୍ଣ୍ଣ ସୁରକ୍ଷିତ ଥିବା ବେସାମରିକ ବିମାନ ଚଳାଚଳ କର୍ତ୍ତୃପକ୍ଷ ସ୍ପଷ୍ଟ କରିଛନ୍ତି। ସୂଚନା ଅନୁଯାୟୀ, ବୋଇଂ ୭୬୭-୩୮୩ଇଆର୍ ବିମାନଟି ନିର୍ଦ୍ଧାରିତ ମାର୍ଗରେ ଯାଉଥିବା ବେଳେ ଶନିବାର ମଧ୍ୟରାତ୍ରିର ଠିକ୍ ପରେ ଏହାର ଡାହାଣ ଇଞ୍ଜିନରେ ନିଆଁ କିମ୍ବା ସ୍ଫୁଲିଙ୍ଗ ସୃଷ୍ଟି ହୋଇଥିବା ନେଇ ସତର୍କ ସୂଚନା ବ୍ୟବସ୍ଥାରୁ ସଙ୍କେତ ମିଳିଥିଲା। ସ୍ଥିତିର ଗମ୍ଭୀରତାକୁ ଦେଖି ପାଇଲଟମାନେ ତୁରନ୍ତ ସୁରକ୍ଷା ପ୍ରକ୍ରିୟା ଆପଣାଇ ଗତିପଥ ବଦଳାଇଥିଲେ ଏବଂ ଫିଲିପାଇନ୍ସର ଦାଭାଓ ଅନ୍ତର୍ଜାତୀୟ ବିମାନବନ୍ଦରରେ ଅଣନିର୍ଦ୍ଧାରିତ ଜରୁରୀ ଅବତରଣ ପାଇଁ ଅନୁମତି ଲୋଡ଼ିଥିଲେ। ସଫଳ ଅବତରଣ ଯୋଗୁଁ ଏକ ବଡ଼ ଦୁର୍ଘଟଣା ଟଳିଯାଇଛି।

Related Articles

Leave a Reply

Your email address will not be published. Required fields are marked *

Back to top button