ରାଜନୀତି ଛାଡ଼ି ପୁଣି ଗଣମାଧ୍ୟମକୁ ଫେରିବେ ଶହଜାଦ ପୁନାୱାଲା

ନୂଆଦିଲ୍ଲୀ: ଭାରତୀୟ ଜନତା ପାର୍ଟିର ପୂର୍ବତନ ରାଷ୍ଟ୍ରୀୟ ମୁଖପାତ୍ର ଶହଜାଦ ପୁନାୱାଲା ଦଳ ଛାଡ଼ିବା ଏବଂ ନିଜର ଆଗାମୀ ପଦକ୍ଷେପ ସମ୍ପର୍କରେ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି। ସେ ତାଙ୍କ ନିଷ୍ପତ୍ତି ପଛର କାରଣ ସ୍ପଷ୍ଟ କରିବା ସହିତ କହିଛନ୍ତି ଯେ, ସେ ନିଜ ଇଚ୍ଛାରେ ଦଳରୁ ଅଲଗା ହୋଇପାରନ୍ତି, କିନ୍ତୁ ବିଜେପି କେବେ ତାଙ୍କଠାରୁ ଦୂରେଇ ଯାଇପାରିବ ନାହିଁ। ଏକ ସମ୍ବାଦ ସରବରାହ ସଂସ୍ଥା ସହିତ ସାକ୍ଷାତକାର ବେଳେ ଶହଜାଦ ପୁନାୱାଲାଙ୍କୁ ଦଳ ଛାଡ଼ିବା ପ୍ରସଙ୍ଗରେ ପଚରାଯାଇଥିଲା। ଏହାର ଉତ୍ତରରେ ସେ କହିଥିଲେ ଯେ, “ଶହଜାଦ ପୁନାୱାଲା ନିଜ କାରଣରୁ ବିଜେପି ଛାଡ଼ିପାରନ୍ତି, କିନ୍ତୁ ବିଜେପି କେବେ ଶହଜାଦ ପୁନାୱାଲାଙ୍କୁ ଛାଡ଼ିପାରିବ ନାହିଁ।” ନିଜର ପୂର୍ବ ଅଭିଜ୍ଞତା ବଖାଣି ସେ କହିଥିଲେ ଯେ, “ମୁଁ ପ୍ରଥମେ କଂଗ୍ରେସ ଛାଡ଼ି ଗଣମାଧ୍ୟମରେ ଯୋଗ ଦେଇଥିଲି। ଏହା ପରେ ୨୦୨୧ ମସିହାରେ ଭାରତୀୟ ଜନତା ପାର୍ଟିରେ ସାମିଲ ହୋଇଥିଲି।” ଶହଜାଦ ଆହୁରି କହିଛନ୍ତି ଯେ, “୨୦୨୧ରେ ବିଜେପିରେ ଯୋଗ ଦେବା ସମୟରେ ମୁଁ ଭାବିଥିଲି ଯେ ୨୦୨୪ ଲୋକସଭା ନିର୍ବାଚନ ପର୍ଯ୍ୟନ୍ତ ମାତ୍ର ତିନି ବର୍ଷ ଦଳ ସହିତ ରହିବି ଏବଂ ତା’ପରେ ଦଳ ଛାଡ଼ିଦେବି। କିନ୍ତୁ ନିର୍ବାଚନରେ ଆମ ଦଳର ଆସନ ସଂଖ୍ୟା କମିଗଲା। ଏହା ପରେ ଗୁରୁତ୍ୱପୂର୍ଣ୍ଣ ହରିୟାଣା, ମହାରାଷ୍ଟ୍ର ଏବଂ ବିହାର ବିଧାନସଭା ନିର୍ବାଚନ ଆସିଲା। ଏହି ନିର୍ବାଚନ ଶେଷ ହେଉ ହେଉ ବଙ୍ଗଳା ନିର୍ବାଚନ ଆସିଗଲା ଏବଂ ଆଉ ଦୁଇ ବର୍ଷ ବିତିଗଲା। ଶେଷରେ ମୁଁ ରାଜନୀତି ଛାଡ଼ି ପୁଣି ଗଣମାଧ୍ୟମକୁ ଫେରିବାକୁ ନିଷ୍ପତ୍ତି ନେଇଛି।”

Related Articles

Leave a Reply

Your email address will not be published. Required fields are marked *

Back to top button