ଏସିଏଫ୍ ସୋମ୍ୟରଞ୍ଜନ ମୃତ୍ୟୁ ମାମଲା: ବିଦ୍ୟାଭାରତୀଙ୍କ ଜାମିନ ଆବେଦନ ନାମଞ୍ଜୁର

ଭୁବନେଶ୍ବର: ଚର୍ଚ୍ଚିତ ଏସିଏଫ୍ ସୋମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ମୁଖ୍ୟ ଅଭିଯୁକ୍ତା ତଥା ତାଙ୍କ ପତ୍ନୀ ବିଦ୍ୟାଭାରତୀଙ୍କୁ ଆଶ୍ୱସ୍ତି ମିଳିନାହିଁ। ଆଜି ପାରଳାଖେମୁଣ୍ଡି ଏଡିଜେ (ADJ) କୋର୍ଟରେ ତାଙ୍କର ଜାମିନ ଆବେଦନର ଶୁଣାଣି ହୋଇଥିବାବେଳେ କୋର୍ଟ ଏହାକୁ ଖାରଜ କରିଦେଇଛନ୍ତି। ପାରଳାଖେମୁଣ୍ଡି ଏଡିଜେ ହରପ୍ରସାଦ ପଟ୍ଟନାୟକ ଏହି ଜାମିନ ଆବେଦନର ଶୁଣାଣି କରି ଏହାକୁ ନାମଞ୍ଜୁର କରିଛନ୍ତି। କୋର୍ଟରେ ଏହି ମାମଲାର ପରିଚାଳନା ଭାରପ୍ରାପ୍ତ ପବ୍ଲିକ ପ୍ରସିକ୍ୟୁଟର ରାଜେଶ କୁମାର ମିଶ୍ର ପରିଚାଳନା କରିଥିବାବେଳେ ଏପିପି ସରୋଜ କୁମାର ରଥ ତାଙ୍କୁ ସହଯୋଗ କରିଥିଲେ। ସୂଚନାଯୋଗ୍ୟ ଯେ, ଗତ ୨୧ ତାରିଖଠାରୁ ବିଦ୍ୟାଭାରତୀ ପାରଳାଖେମୁଣ୍ଡି ଜେଲ ହାଜତରେ ବିଚାରାଧୀନ କଏଦୀ ଭାବେ ରହିଆସିଛନ୍ତି। ବର୍ତ୍ତମାନ ସେ ଜେଲର ମହିଳା ୱାର୍ଡରେ ରହିଥିବାବେଳେ, ଏହି ମାମଲାର ଅନ୍ୟ ଦୁଇ ଅଭିଯୁକ୍ତ ତତ୍କାଳୀନ ଡିଏଫଓ ସଂଗ୍ରାମ କେଶରୀ ବେହେରା ପାରଳା ଜେଲର ୱାର୍ଡ ନଂ-୩ ଏବଂ ରୋଷେୟା ମନ୍ମଥ କୁମ୍ଭ ୱାର୍ଡ ନଂ-୫ରେ ରହିଛନ୍ତି।

Related Articles

Leave a Reply

Your email address will not be published. Required fields are marked *

Back to top button