ପ୍ରଧାନମନ୍ତ୍ରୀଙ୍କ ବାସଭବନ ଉପରେ ଉଡିଲା ଡ୍ରୋନ୍!, ତୁରନ୍ତ ଆକ୍ସନ ମୋଡରେ ଆସିଲା ଏସପିଜି

ନୂଆଦିଲ୍ଲୀ: ନୂଆଦିଲ୍ଲୀର ଉଚ୍ଚ ସୁରକ୍ଷା ଏବଂ ନୋ-ଫ୍ଲାଇଙ୍ଗ୍ ଜୋନ୍ ତଥା ପ୍ରଧାନମନ୍ତ୍ରୀଙ୍କ ବାସଭବନ ଉପରେ ଡ୍ରୋନ୍ ଉଡିବାର ଫୋନକୁ ନେଇ ଆତଙ୍କ ସୃଷ୍ଟି ହୋଇଛି। ସୂଚନାନୁସାରେ, ଆଜି ସକାଳ ୫ ଟା ସମୟରେ ଜଣେ ବ୍ୟକ୍ତି ପ୍ରଧାନମନ୍ତ୍ରୀଙ୍କ ବାସଭବନ ଉପରେ କିଛି ଉଡ଼ିବା ଦେଖିବା ପରେ କଲ କରିଥିଲେ, ଯାହା ପରେ ସୁରକ୍ଷା ଏଜେନ୍ସି ଏବଂ ପୋଲିସକୁ ସତର୍କ କରାଯାଇଥିଲା। ସୂଚନା ପରେ, ଏସପିଜି ତଦନ୍ତ ଆରମ୍ଭ କରିଥିଲେ। କିନ୍ତୁ ଏହି ସମୟରେ କିଛି ମିଳିଲା ନାହିଁ, ଯାହା ପରେ ସମସ୍ତେ ଦୀର୍ଘ ନିଶ୍ୱାସ ଛାଡିଥିଲେ। ଦିଲ୍ଲୀ ପୋଲିସ ଏହି ଘଟଣାର ତଦନ୍ତ କରୁଛି। ପ୍ରଧାନମନ୍ତ୍ରୀଙ୍କ ବାସଭବନ ଲୋକ କଲ୍ୟାଣ ମାର୍ଗରେ ଅବସ୍ଥିତ ଏବଂ ସମଗ୍ର ଅଞ୍ଚଳ ନୋ ଫ୍ଲାଇଙ୍ଗ ଜୋନ୍ ଅନ୍ତର୍ଗତ। ଦିଲ୍ଲୀ ପୋଲିସ ଏକ ବିବୃତ୍ତି ଜାରି କରି କହିଛି ଯେ, ଅନୁସନ୍ଧାନ ବେଳେ ଏୟାର ଟ୍ରାଫିକ ନିୟନ୍ତ୍ରଣ (ଏଟିସି) ର ସହଯୋଗ ମଧ୍ୟ ନିଆଯାଇଛି। ବିବୃତ୍ତିରେ କୁହାଯାଇଛି ଯେ, “ନୂଆଦିଲ୍ଲୀ ଜିଲ୍ଲା (ଏନଡିଏ) ର କଣ୍ଟ୍ରୋଲ ରୁମକୁ ପ୍ରଧାନମନ୍ତ୍ରୀଙ୍କ ବାସଭବନ ନିକଟରେ ଏକ ଅଜ୍ଞାତ ଫ୍ଲାଇଙ୍ଗ ବସ୍ତୁ ବିଷୟରେ ସୂଚନା ମିଳିଥିଲା। ଆଖପାଖ ଅଞ୍ଚଳରେ ବ୍ୟାପକ ଅନୁସନ୍ଧାନ କରାଯାଇଥିଲା। କିନ୍ତୁ ସେପରି କାଔନଶୀ ବସ୍ତୁ ମିଳିନଥିଲା। ଏୟାର ଟ୍ରାଫିକ ନିୟନ୍ତ୍ରଣ କକ୍ଷ (ଏଟିସି) ) ମଧ୍ୟ ଯୋଗାଯୋଗ କରାଯାଇଥିଲା, ସେମାନେ ମଧ୍ୟ ପ୍ରଧାନମନ୍ତ୍ରୀଙ୍କ ବାସଭବନ ନିକଟରେ ଏପରି ଫ୍ଲାଇଙ୍ଗ ବସ୍ତୁ ପାଇନଥିଲେ।”