ଗୁଣିଗାରେଡ଼ି ସନ୍ଦେହ: ବୃଦ୍ଧଙ୍କୁ ନିର୍ମମ ହତ୍ୟା, ଦୁଇ ଭାଇ ଗିରଫ
ବ୍ରହ୍ମପୁର: ଗଞ୍ଜାମ ଜିଲ୍ଲା ଭଞ୍ଜନଗର ଉପଖଣ୍ଡ ତାରାସିଂହ ଥାନା ଅନ୍ତର୍ଗତ ବଦାଙ୍ଗି ଗ୍ରାମରେ ଏକ ଅନ୍ଧବିଶ୍ୱାସଜନକ ହତ୍ୟାକାଣ୍ଡ ଘଟିଛି। ଗ୍ରାମର ତ୍ରିନାଥ ଗୌଡ଼ ନାମକ ଜଣେ ବୃଦ୍ଧ ଝାଡ଼ଫୁଙ୍କ ଏବଂ ଚେରମୁଳି ଚିକିତ୍ସା କରୁଥିଲେ। ଗ୍ରାମର ଏକ ପରିବାରର କିଛି ସଦସ୍ୟ ଜ୍ୱରରେ ଅସୁସ୍ଥ ହେବାରୁ, ଏହା ପଛରେ ତ୍ରିନାଥଙ୍କ ଗୁଣିଗାରେଡ଼ି ଥିବା ସନ୍ଦେହ କରିଥିଲେ। ଏହି ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଶୁଶାନ୍ତ ଗୌଡ଼ ଓ ଅଭିମନ୍ୟୁ ଗୌଡ଼ ନାମକ ଦୁଇ ଭାଇ ଘରୁ ଟାଣି ଆଣି ତ୍ରିନାଥଙ୍କୁ କାଠ ଫାଳିଆ, ସିମେଣ୍ଟ ଇଟା ଓ ପଥରରେ ଛେଚି ନିର୍ମମ ଭାବେ ହତ୍ୟା କରିଥିଲେ। ମୃତକଙ୍କ ପୁଅ ଜଳନ୍ଧର ଗୌଡ଼ଙ୍କ ଅଭିଯୋଗକୁ ଭିତ୍ତି କରି ପୋଲିସ ତତ୍ପରତା ପ୍ରକାଶ କରିବା ସହ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି।
