ନବୀନ ଆରମ୍ଭ କରିଦେଲେ ଡିଜିଟାଲ ପ୍ରଚାର, ଲୋକଙ୍କୁ ଭିଡିଓ କଲ କରି ବୁଝିଲେ ଭଲମନ୍ଦ ଓ ବିକାଶ କାମ

ଭୁବନେଶ୍ବର: ନିର୍ବାଚନ ପାଖେଇ ଆସୁଥିବାରୁ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଡିଜିଟାଲ ପ୍ରଚାର ଆରମ୍ଭ କରିଦେଇଛନ୍ତି। ପୂର୍ବରୁ ସେ ଫୋନ କରି ଲୋକଙ୍କ ଭଲମନ୍ଦ ଓ ବିକାଶ କାମ ସଂପର୍କରେ ଅବଗତ ହୋଇଥିଲେ। ହେଲେ ଆଜି ନବୀନ ପଟ୍ଟନାୟକ ଭିଡିଓ କଲ କରି ବିଭିନ୍ନ ଲୋକଙ୍କ ସହିତ ବିକାଶ କାମ ଉପରେ ଆଲୋଚନା କରିଛନ୍ତି। ଏ ନେଇ ଏକ ଭିଡିଓ ମୁଖ୍ୟମନ୍ତ୍ରୀଙ୍କ ସମାଜିକ ଗଣମାଧ୍ୟମରେ ପୋଷ୍ଟିଂ କରାଯାଇଛି। ଏଥିରେ ନବୀନ ପାଞ୍ଚ ଜଣଙ୍କ ସହିତ କଥା ହେଉଛନ୍ତି। ପ୍ରଥମ ଭିଡିଓରେ ସେ ପୁରୀର ସ୍ବର୍ଣ୍ଣଲତା ବିଶୋଇଙ୍କ ସହିତ କଥା ହୋଇ ବିଭିନ୍ନ ଉନ୍ନୟନ ମୂଳକ କାମ ବିଷୟରେ ଆବଗତ ହୋଇଛନ୍ତି। ସେହିପରି ସେ ସମ୍ବଲପୁରର ଆରତୀ ନାୟକ, ଖୋର୍ଦ୍ଧାର ପ୍ରକାଶ ହାତୀ, ପୁରୀର ବିଜୟଲକ୍ଷ୍ମୀ ପାଣିଙ୍କ ସହିତ ନବୀନ କଥା ହୋଇଛନ୍ତି।