କେରଳ ଛୁଇଁଲା ଦକ୍ଷିଣ-ପଶ୍ଚିମ ମୌସୁମୀ ବାୟୁ

ନୂଆଦିଲ୍ଲୀ: ସାରା ଦେଶରେ ପାଣିପାଗ ଧାରା ଦ୍ରୁତ ଗତିରେ ପରିବର୍ତ୍ତନ ହେଉଛି। ଭାରତୀୟ ପାଣିପାଗ ବିଭାଗ (IMD) ଅନୁଯାୟୀ, ଦକ୍ଷିଣ-ପଶ୍ଚିମ ମୌସୁମୀ କେରଳରେ ପହଞ୍ଚିଛି। ଏହି ସମୟରେ ଅନେକ ରାଜ୍ୟରେ ପ୍ରାକ୍ ମୌସୁମୀ କାର୍ଯ୍ୟକଳାପ ତୀବ୍ର ହୋଇଛି ଏବଂ ଆଗାମୀ କିଛି ଦିନ ପାଇଁ ବର୍ଷା, ବଜ୍ରପାତ ଏବଂ ପ୍ରବଳ ପବନ ଜାରି ରହିବ ବୋଲି ଆଶା କରାଯାଉଛି। ପ୍ରଥମେ ମୌସୁମୀ ୨୬ ମଇରେ କେରଳରେ ପହଞ୍ଚିବ ବୋଲି ଆଶା କରାଯାଇଥିଲା। କିନ୍ତୁ ଏହା ନିର୍ଦ୍ଧାରିତ ସମୟଠାରୁ ପ୍ରାୟ ୯ ଦିନ ବିଳମ୍ବରେ ପହଞ୍ଚିଛି। ମୌସୁମୀ ସାଧାରଣତଃ ଜୁନ୍ ୧ ସୁଦ୍ଧା କେରଳରେ ପହଞ୍ଚିଥାଏ ଏବଂ ତା’ପରେ ପ୍ରାୟ ଦେଢ଼ ମାସ ମଧ୍ୟରେ ସମଗ୍ର ଦେଶକୁ ଘେରିଯାଏ। କେରଳ, ତାମିଲନାଡୁ ଏବଂ କର୍ଣ୍ଣାଟକର ଅନେକ ଅଞ୍ଚଳରେ ଆଗାମୀ ସାତ ଦିନ ମଧ୍ୟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି।