FBI ର ‘ମୋଷ୍ଟ ୱାଣ୍ଟେଡ୍’ ତାଲିକାରେ ଗ୍ୟାଙ୍ଗଷ୍ଟର୍ ଗୋଲ୍ଡୀ ବ୍ରାର; ଗିରଫ ପାଇଁ ୧୦ ଲକ୍ଷ ଡଲାର ପୁରସ୍କାର ଘୋଷଣା
ନୂଆଦିଲ୍ଲୀ: କୁଖ୍ୟାତ ଗ୍ୟାଙ୍ଗଷ୍ଟର୍ ଗୋଲ୍ଡୀ ବ୍ରାରଙ୍କୁ ଆମେରିକାର ଫେଡେରାଲ୍ ବ୍ୟୁରୋ ଅଫ୍ ଇନଭେଷ୍ଟିଗେସନ୍ (FBI) ନିଜର ‘୧୦ ମୋଷ୍ଟ ୱାଣ୍ଟେଡ୍’ ପଳାତକ ତାଲିକାରେ ସାମିଲ କରିଛି। ଲରେନ୍ସ ବିଷ୍ନୋଇ ଗ୍ୟାଙ୍ଗ୍ ସହ ଜଡ଼ିତ ବ୍ରାର ବର୍ତ୍ତମାନ ଆମେରିକାରେ ଲୁଚି ରହିଥିବା ସନ୍ଦେହ କରାଯାଉଛି। ତାଙ୍କର ଗିରଫଦାରୀ କିମ୍ବା ସନ୍ଧାନ ସମ୍ପର୍କରେ ସୂଚନା ଦେବା ବ୍ୟକ୍ତିଙ୍କ ପାଇଁ FBI ୧୦ ଲକ୍ଷ ଆମେରିକୀୟ ଡଲାରର ପୁରସ୍କାର ଘୋଷଣା କରିଛି। ଉତ୍ତର ଆମେରିକା ଏବଂ ଏହାର ଆଖପାଖ ଅଞ୍ଚଳରେ ସକ୍ରିୟ ଥିବା ୩ଟି ଭାରତୀୟ-ସଂଯୁକ୍ତ ଅପରାଧୀ ଗୋଷ୍ଠୀ (ବିଷ୍ନୋଇ ଗ୍ୟାଙ୍ଗ୍, ଢାଣ୍ଡା ଗୋଷ୍ଠୀ ଓ ଭଗବାନପୁରିଆ ଗୋଷ୍ଠୀ) ବିରୋଧରେ ଆମେରିକା ଓ କାନାଡ଼ା ପୋଲିସ ମିଳିତ ଭାବେ ‘ଅପରେସନ୍ ହାର୍ଡବଲ୍’ ଆରମ୍ଭ କରିଛନ୍ତି। ଏହି ବହୁରାଷ୍ଟ୍ରୀୟ ଅଭିଯାନ ଅଧୀନରେ ବ୍ରାରଙ୍କ ସମେତ ୩୭ ଜଣ ଅପରାଧୀଙ୍କ ବିରୋଧରେ ଚାନ୍ଦା ଆଦାୟ, ରାକେଟିଂ ଓ ବେଆଇନ ଡ୍ରଗ୍ସ କାରବାର ଭଳି ସଙ୍ଗୀନ ଅଭିଯୋଗ ଆଗତ କରାଯାଇଛି।
