୧୫,୦୦୦ ଟନ୍ ଏଲପିଜି ନେଇ ମୁମ୍ବାଇରେ ପହଞ୍ଚିଲା ଭାରତୀୟ ଜାହାଜ “ଗ୍ରୀନ୍ ଆଶା”
ନୂଆଦିଲ୍ଲୀ: ଇରାନ ଯୁଦ୍ଧ ଯୋଗୁଁ ସୃଷ୍ଟି ହୋଇଥିବା ଶକ୍ତି ସଙ୍କଟ ମଧ୍ୟରେ ଭାରତୀୟ ତୈଳ ଟ୍ୟାଙ୍କର୍ “ଗ୍ରୀନ୍ ଆଶା” ମୁମ୍ବାଇରେ ପହଞ୍ଚିଛି। ୧୫,୦୦୦ ଟନ୍ ଏଲପିଜି ବହନ କରୁଥିବା ଏହି ଜାହାଜ ମୁମ୍ବାଇରେ ପହଞ୍ଚିଛି। ଏହି ଭାରତୀୟ ଜାହାଜ ହରମୁଜ୍ ପ୍ରଣାଳୀ ପାର ହୋଇ ମୁମ୍ବାଇରେ ପହଞ୍ଚିଛି। ଇରାନ ଏବଂ ଆମେରିକା ଏବଂ ଇସ୍ରାଏଲ ମଧ୍ୟରେ ଦୁଇ ସପ୍ତାହର ଯୁଦ୍ଧବିରତି ଘୋଷଣା କରାଯାଇଛି। ଇରାନ ମଧ୍ୟ ହରମୁଜ୍ ପ୍ରଣାଳୀ ଖୋଲିବା ଘୋଷଣା କରିଛି। ଫଳସ୍ୱରୂପ, ଏହି ସମୟ ମଧ୍ୟରେ ଆହୁରି ଅନେକ ଜାହାଜ ଭାରତରେ ପହଞ୍ଚିପାରେ। “ଗ୍ରୀନ୍ ଆଶା” ଜାହାଜ ୧୫,୪୦୦ ଟନ୍ ଏଲପିଜି ସହିତ ନଭି ମୁମ୍ବାଇର ଜବାହରଲାଲ ନେହେରୁ ବନ୍ଦର କର୍ତ୍ତୃପକ୍ଷ (ଜେଏନପିଏ)ରେ ପହଞ୍ଚିଛି। ଜେଏନପିଏ କହିଛି ଯେ, “ଭାରତୀୟ ପତାକାଯୁକ୍ତ ଏଲପିଜି ଜାହାଜ ‘ଗ୍ରୀନ୍ ଆଶା’କୁ ଆଜି ସ୍ୱାଗତ କରାଯାଇଥିଲା। ଜାହାଜଟି ସଫଳତାର ସହ ହରମୁଜ୍ ପ୍ରଣାଳୀ ଦେଇ ଆସିଥିଲା।”
