ମହାରାଷ୍ଟ୍ରରେ ଭୂକମ୍ପ ଝଟକା, ଦୋହଲିଗଲା ମାଟି

ନୂଆଦିଲ୍ଲୀ: ମହାରାଷ୍ଟ୍ରରେ ଆଜି ଭୂକମ୍ପ ଅନୁଭୂତ ହୋଇଛି । ରାଷ୍ଟ୍ରୀୟ ଭୂକମ୍ପ ବିଜ୍ଞାନ କେନ୍ଦ୍ରର ସୂଚନାନୁଯାୟୀ ଭୂକମ୍ପର ତୀବ୍ରତା ୨.୬ରିକ୍ଟର ସ୍କେଲରେ ରହିଥିଲା । ଏପ୍ରିଲ ୩ (ଗୁରୁବାର) ଅର୍ଥାତ୍ ଆଜି ୧୧ଟା ୨୨ମିନିଟରେ ମହାରାଷ୍ଟ୍ର ସୋଲାପୁରରେ ଭୂକମ୍ପ ଅନୁଭୂତ ହୋଇଥିଲା । ଯାହା କିଛି ସମୟ ପାଇଁ ମାଟିକୁ ଥରାଇ ଦେଇଥିଲା । ଭୂକମ୍ପର କେନ୍ଦ୍ରସ୍ଥଳ ମାଟିରୁ ୫ କିଲୋମିଟର ତଳେ ଥିଲା । ଯାହା ମହାରାଷ୍ଟ୍ର ଉପରେ ହାଲକା ଝଟକାର ପ୍ରଭାବ ଦେଖିବାକୁ ମିଳିଥିଲା । ରାଷ୍ଟ୍ରୀୟ ଭୂକମ୍ପ ବିଜ୍ଞାନ କେନ୍ଦ୍ରର ସୂଚନାନୁଯାୟୀ ଭୂକମ୍ପର ତୀବ୍ରତା ୨.୬ ରିକ୍ଟର ସ୍କେଲରେ ରହିଥିଲା । ଅନ୍ୟପଟେ ଏହା ପୂର୍ବରୁ ଏପ୍ରିଲ ୧ ମଙ୍ଗଳବାର ଦିନ ଭାରତର ଅନେକ ସ୍ଥାନ ଯେପରି କୋଲକତା ଏବଂ ଇମ୍ଫାଲରେ ଭୂକମ୍ପ ଅନୁଭୂତ ହୋଇଥିଲା । ୨୮ ମାର୍ଚ୍ଚରେ ବିହାର, ସିଲିଗୁଡି ଏବଂ ନେପାଳ ଭଳି ଅନ୍ୟାନ୍ୟ ଅଞ୍ଚଳରେ ଭୂକମ୍ପର ପ୍ରଭାବ ପଡିତିବା ଦେଖିବାକୁ ମିଳିଥିଲା । ୩୧ ମାର୍ଚ୍ଚରେ ଅରୁଣାଞ୍ଚଳ ପ୍ରଦେଶରେ ଦିନ ୨ଟା ୩୮ ମିନିଟ୍ ସମୟରେ ୩.୫ତୀବ୍ରତାର ଭୂମିକମ୍ପ ହୋଇଥିଲା । ଗ୍ୟାଙ୍ଗଟକରେ ୩୦ ଓ ୩୧ ମାର୍ଚ୍ଚ ଲଗାତାର ଦୁଇ ଦିନ ଧରି ଭୂମିକମ୍ପ ଅନୁଭୂତ ହୋଇଥିଲା । ସୂଚନାଯୋଗ୍ୟ, ୨୮ ମାର୍ଚ୍ଚରେ ୭.୭ ତୀବ୍ରତାରେ ମିଆଁମାରରେ ଭୂକମ୍ପ ଅନୁଭୂତ ହୋଇଥିଲା ।  ଯାହା ଖୁବ ଶକ୍ତିଶାଳୀ ଥିଲା । ଯେଉଁଥିରେ ୩୦୦୦ ରୁ ଉର୍ଦ୍ଧ୍ବ ଲୋକଙ୍କର ମୃତ୍ୟୁ ହୋଇଛି । ତେଣୁ ଯୁଦ୍ଧବିରାମକୁ ସହଜ କରିବା ପାଇଁ  ରିଲିଫ କାର୍ଯ୍ୟ ୨୨ ଏପ୍ରିଲ ପର୍ଯ୍ୟନ୍ତ ଚାଲୁ ରହିବ ।