ଟସ୍ ଜିତି ଭାରତକୁ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କଲା ଇଂଲଣ୍ଡ
ନୂଆଦିଲ୍ଲୀ: ଦ୍ୱିତୀୟ ଟେଷ୍ଟରେ ଇଂଲଣ୍ଡ ଅଧିନାୟକ ବେନ୍ ଷ୍ଟୋକ୍ସ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ବର୍ମିଂହାମରେ ହେଉଥିବା ଏହି ମ୍ୟାଚ୍ରେ ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରୁଛି। ଭାରତୀୟ ଦଳ ଜସପ୍ରିତ ବୁମରାହଙ୍କୁ ପ୍ଲେଇଂ ଇଲେଭେନରେ ସାମିଲ କରିନାହିଁ। ଏପରିକି କୁଲଦୀପ ଯାଦବଙ୍କୁ ମଧ୍ୟ ଚୂଡ଼ାନ୍ତ ୧୧ ଖେଳାଳିଙ୍କ ମଧ୍ୟରେ ସାମିଲ କରାଯାଇନାହିଁ। ଅନ୍ୟପକ୍ଷରେ ଇଂଲଣ୍ଡ ପୂର୍ବରୁ ସେମାନଙ୍କର ପ୍ଲେଇଂ ଇଲେଭେନ ଘୋଷଣା କରିଥିଲା, ଯେଉଁଥିରେ କୌଣସି ପରିବର୍ତ୍ତନ ହୋଇନାହିଁ। ଟସ୍ ହାରିବା ପରେ ଭାରତୀୟ ଅଧିନାୟକ ଶୁଭମନ ଗିଲ୍ ମଧ୍ୟ ସ୍ୱୀକାର କରିଛନ୍ତି ଯେ, ଯଦି ସେ ଟସ୍ ଜିତିଥାନ୍ତେ, ତେବେ ସେ ପ୍ରଥମେ ବୋଲିଂ କରିବାକୁ ପସନ୍ଦ କରିଥାନ୍ତେ। ସିରିଜର ପ୍ରଥମ ଟେଷ୍ଟରେ ୫ ୱିକେଟ୍ ପରାଜୟ ପରେ, ଭାରତୀୟ ଦଳ ସେମାନଙ୍କ ପ୍ଲେଇଂ ଇଲେଭେନରେ ୩ଟି ବଡ଼ ପରିବର୍ତ୍ତନ କରିଛି। ସାଇ ସୁଦର୍ଶନ, ଶାର୍ଦ୍ଦୁଳ ଠାକୁର ଏବଂ ଜସପ୍ରିତ ବୁମରାହ ପ୍ଲେଇଂ ଇଲେଭେନରୁ ବାହାରେ ଅଛନ୍ତି, ସେମାନଙ୍କ ସ୍ଥାନରେ ନୀତିଶ କୁମାର ରେଡ୍ଡୀ, ୱାଶିଂଟନ ସୁନ୍ଦର ଏବଂ ଆକାଶଦୀପଙ୍କୁ ଚୂଡ଼ାନ୍ତ ୧୧ ଖେଳାଳିଙ୍କ ମଧ୍ୟରେ ସାମିଲ କରାଯାଇଛି। ଯଦି ଆମେ ଏଜବେଷ୍ଟନ ଗ୍ରାଉଣ୍ଡର ଇତିହାସ ଉପରେ ନଜର ପକାଇବା, ତେବେ ଏଠାରେ ଟସ୍ ଜିତିଥିବା ଦଳର ବିଜୟ ପ୍ରତିଶତ ୩୫.୭୧ ରହିଥିବାବେଳେ ଟସ୍ ହାରୁଥିବା ଦଳର ବିଜୟ ପ୍ରତିଶତ ୩୭.୫୦ ରହିଛି। ଆମେ ପ୍ରକାଶ ଯେ, ଭାରତୀୟ ଦଳ ଏଜବେଷ୍ଟନ ଗ୍ରାଉଣ୍ଡରେ ଏପର୍ଯ୍ୟନ୍ତ କୌଣସି ଟେଷ୍ଟ ମ୍ୟାଚ୍ ଜିତିନାହିଁ, ଏପରି ପରିସ୍ଥିତିରେ ଟସ୍ ହାରିବା ଟିମ୍ ଇଣ୍ଡିଆ ପାଇଁ ବ୍ୟାକଫୁଟ୍କୁ ଯିବା ଭଳି। ଭାରତର ପ୍ଲେଇଂ ଏକାଦଶ: ଯଶସ୍ୱୀ ଜୟସୱାଲ, କେଏଲ ରାହୁଲ, କରୁଣ ନାୟାର, ଶୁଭମନ ଗିଲ୍ (ଅଧିନାୟକ), ରିଷଭ ପନ୍ତ, ନୀତିଶ କୁମାର ରେଡ୍ଡୀ, ରବିନ୍ଦ୍ର ଜାଡେଜା, ୱାଶିଂଟନ ସୁନ୍ଦର, ଆକାଶ ଦୀପ, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣ ଇଂଲଣ୍ଡର ପ୍ଲେଇଂ ଏକାଦଶ: ଜ୍ୟାକ୍ କ୍ରାଉଲି, ବେନ୍ ଡକେଟ, ଓଲି ପୋପ୍, ଜୋ ରୁଟ୍, ହ୍ୟାରି ବ୍ରୁକ୍, ବେନ୍ ଷ୍ଟୋକ୍ସ (ଅଧିନାୟକ), ଜେମି ସ୍ମିଥ୍, କ୍ରିସ୍ ୱକ୍ସ, ବ୍ରାଇଡନ୍ କାର୍ସ, ଜୋଶ୍ ଟଙ୍ଗ୍, ସୋଏବ୍ ବଶିର।
