ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଲା ଇଂଲଣ୍ଡ
ନୂଆଦିଲ୍ଲୀ: କଟକସ୍ଥିତ ବାରବାଟୀ ଷ୍ଟାଡିୟମରେ ଦ୍ୱିତୀୟ ଦିନିକିଆ ପାଇଁ ଭାରତ ଏବଂ ଇଂଲଣ୍ଡ ଦଳ ମୁହାଁମୁହିଁ ହୋଇଛନ୍ତି। ଏହି ମ୍ୟାଚରେ ଇଂଲଣ୍ଡ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ଏହି ମ୍ୟାଚ ଜରିଆରେ ବରୁଣ ଚକ୍ରବର୍ତ୍ତୀ ନିଜର ODI ଡେବ୍ୟୁ କରିବେ। ଏଥି ସହିତ ବିରାଟ କୋହଲି ଭାରତର ଖେଳାଳି ଏକାଦଶକୁ ଫେରିଛନ୍ତି। ମ୍ୟାଚ୍ ପାଇଁ ଟିମ୍ ଇଣ୍ଡିଆର ଖେଳାଳି ଏକାଦଶରେ ଦୁଇଟି ପରିବର୍ତ୍ତନ ଦେଖିବାକୁ ମିଳିଛି। ଗତ ମ୍ୟାଚ୍ରେ ଓପନିଂ କରିଥିବା ଯଶସ୍ଵୀ ଜୟସ୍ଵାଲ ଏକାଦଶରୁ ବାଦ ପଡିଥିବା ବେଳେ ବିରାଟ କୋହଲିଙ୍କୁ ତାଙ୍କ ସ୍ଥାନରେ ସାମିଲ କରାଯାଇଛି। କୁଲଦୀପ ଯାଦବଙ୍କୁ ବିଶ୍ରାମ ଦିଆଯାଇଛି, ତାଙ୍କ ସ୍ଥାନରେ ବରୁଣ ଚକ୍ରବର୍ତ୍ତୀ ODI ଡେବ୍ୟୁ କରିଛନ୍ତି। ସେହିଭଳି ଇଂଲଣ୍ଡ ତିନୋଟି ପରିବର୍ତ୍ତନ କରିଛି। ଇଂରାଜୀ ଦଳର ଖେଳାଳି ଏକାଦଶରେ ମାର୍କ ଉଡ, ଗସ୍ ଆଟକିନ୍ସନ୍ ଏବଂ ଜେମି ଓଭରଟନ୍ ସାମିଲ ହୋଇଛନ୍ତି।
