ଚିର ନିଦ୍ରାରେ ପ୍ରଖ୍ୟାତ କଣ୍ଠଶିଳ୍ପୀ ପ୍ରଣବ ପଟ୍ଟନାୟକ

ଭୁବନେଶ୍ବର: ଓଡିଆ ସଂଗୀତ ଜଗତର ପ୍ରଖ୍ୟାତ କଣ୍ଠଶିଳ୍ପୀ ପ୍ରଣବ ପଟ୍ଟନାୟକଙ୍କର ଆଜି ପରଲୋକ ହୋଇଯାଇଛି। ବୟସାଧିକ ବ୍ୟାଧି ଯୋଗୁଁ ତାଙ୍କର ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୮୮ ବର୍ଷ ବୟସ ହୋଇଥିଲା। ସେ ପୂର୍ବରୁ ବହୁଥର ଅସୁସ୍ଥ ହୋଇ ଚିକିତ୍ସିତ ହେଉଥିଲେ। ଓଡିଆ ଚଳଚିତ୍ର ତଥା ସଂଗୀତ ଜଗତରେ ସେ ଜଣେ ବାଦଶାହା କରିଲେ ଅତ୍ୟୁକ୍ତି ହେବ ନାହିଁ। ପ୍ରଣବଙ୍କ କଣ୍ଠର ଏକ ସ୍ବତନ୍ତ୍ର ଯାଦୁ ରହିଛି। ଫଳରେ ସେ ଯାହାକିଛି ବୋଲିଲେ ମଧ୍ୟ ତାଙ୍କ କଣ୍ଠରେ ତାହା ସୃତିମଧୁର ହୋଇଯାଏ। ମାଝୀରେ…, ରେ ଆତ୍ମନ୍, ମା ତୁମେ ଜଗତର ସାହା ଭରସା ପ୍ରଭୃତି ବହୁ ହିଟ୍ ଗୀତରେ ସେ କଣ୍ଠଦାନ କରି ଓଡିଶା ସଂଗୀତ ଜଗତରେ ପରିଚିତ ହୋଇପାରିଛନ୍ତି। ଆଜି ତାଙ୍କର ବିୟୋଗରେ ଓଡିଆ ସଂଗୀତ ଜଗତରେ ଶୋକର ଛାୟା ଖେଳିଯାଇଛି।