କେନ୍ଦ୍ର ସରକାରଙ୍କ ବଡ଼ ନିଷ୍ପତ୍ତି: ଉଠାଇଲେ ସମସ୍ତ ଏଲପିଜି କଟକଣା

ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଉତ୍ତେଜନା ହ୍ରାସର ପ୍ରଭାବ ଭାରତରେ ମଧ୍ୟ ଅନୁଭବ ହେବା ଆରମ୍ଭ ହୋଇଛି। ଆମେରିକା-ଇରାନ ଚୁକ୍ତି ପରେ ହରମୁଜ୍ ଦେଇ ଜାହାଜ ଚଳାଚଳ ବୃଦ୍ଧି ପାଇଛି। ହରମୁଜ୍ ପ୍ରଣାଳୀ ଖୋଲିବା ପରେ ସରକାର ଏଲପିଜି ଯୋଗାଣକୁ ପୂର୍ବ-ସଂକଟ ସ୍ତରରେ ପୁନଃସ୍ଥାପିତ କରିବାକୁ ନିଷ୍ପତ୍ତି ନେଇଛନ୍ତି। ପେଟ୍ରୋଲିୟମ୍ ମନ୍ତ୍ରଣାଳୟ ଅଣ-ଘରୋଇ (ବାଣିଜ୍ୟିକ) ପ୍ୟାକେଜ୍ ଏଲପିଜି ଉପରୁ କଟକଣା ଉଠାଇ ଦେଇଛି। ପେଟ୍ରୋଲିମ୍ ମନ୍ତ୍ରଣାଳୟର ସଚିବ ଡକ୍ଟର ନୀରଜ ମିତ୍ତଲ ଏହି ନିର୍ଦ୍ଦେଶ ଜାରି କରି କହିଛନ୍ତି ଯେ, ପଶ୍ଚିମ ଏସିଆ ସଙ୍କଟ ଯୋଗୁଁ ଯୋଗାଣ ବାଧା ସମୟରେ ଘରୋଇ ଗ୍ରାହକମାନଙ୍କ ପାଇଁ ଏଲପିଜିର ନିରନ୍ତର ପ୍ରବେଶ ସୁନିଶ୍ଚିତ କରିବା ପାଇଁ ବାଣିଜ୍ୟିକ ପ୍ୟାକେଜ୍ ଏଲପିଜି ଯୋଗାଣ ହ୍ରାସ କରାଯାଇଥିଲା। ଏବେ ଅଣ-ଘରୋଇ ପ୍ୟାକେଜ୍ ଏଲପିଜି ଯୋଗାଣ ଉପରେ ସମସ୍ତ କ୍ଷେତ୍ର-ସ୍ତରୀୟ କଟକଣା ଉଠାଇ ଏହାକୁ ପୂର୍ବ-ସଂକଟ ସ୍ତରରେ ପୁନଃସ୍ଥାପିତ କରିବାକୁ ନିଷ୍ପତ୍ତି ନିଆଯାଇଛି।