ଶ୍ରୀବଲି ରଶ୍ମିକା
ପୁଷ୍ପା-ଦ ରାଇଜ୍ ସିନେମାକୁ ଏତେ ବେଶି ଦର୍ଶକୀୟ ଆଦୃତି ମିଳିଛି ଯେ, ଏବେ ଏହାର ସିକ୍ୱେଲ ଆସିବାକୁ ଯାଉଛି । ଖୁବ୍ଶୀଘ୍ର ପ୍ରେକ୍ଷାଳୟକୁ ଆସିବ ପୁଷ୍ପା-୨ । ଏଥିରେ ରଶ୍ମିକା ମନ୍ଦାନା ଓ ଅଲ୍ଲ ଅର୍ଜୁନଙ୍କ ଯୋଡ଼ି ପୁଣି ଥରେ ଦେଖିବାକୁ ମିଳିବ । ଅବଶ୍ୟ ଏହାର ସୁଟିଂ ଆରମ୍ଭ ହୋଇଯାଇଛି । ପୁଷ୍ପା-ଦ ରାଇଜିଂରେ ଅଲ୍ଲୁ ପୁଷ୍ପା ରାଜ୍ ଚରିତ୍ରରେ ନଜର ଆସିଥିଲେ । ସେହିପରି ‘ଶ୍ରୀବଲି’ ଚରିତ୍ରରେ ଅଭିନୟ କରି ଦର୍ଶକଙ୍କ ହୃଦୟ ଜିଣିଥିଲେ ରଶ୍ମିକା ।
ଆଉ ଏଥର ବି ସେ ଶ୍ରୀବଲି ଚରିତ୍ରରେ ନଜର ଆସିବା କୁହାଯାଉଛି । ତେବେ ଏଥର ଶ୍ରୀବଲି ଚରିତ୍ର ଆହୁରି ଅଧିକ ମଜଭୁତ୍ ଓ ପ୍ରଭାବଶାଳି ହେବ ବୋଲି ଦର୍ଶକେ ଆଶାବାଦୀ ଅଛନ୍ତି । ସେହିପରି ପୁଷ୍ପା-୨କୁ ନେଇ କୁହାଯାଉଥିଲା, ଏଥିରେ ‘ଶ୍ରୀବଲି’ ଚରିତ୍ର ଆଉ ଦେଖିବାକୁ ମିଳିବ ନାହିଁ । ମାତ୍ର ଏମିତି କିଛି ହେବ ନାହିଁ ବୋଲି ଫିଲ୍ମ ନିର୍ମାତା ସ୍ପଷ୍ଟ କରିଛନ୍ତି । ତେବେ ଫିଲ୍ମର କାହାଣୀ କ’ଣ ରହିବ ସେ ସମ୍ପର୍କରେ ଏଯାଏଁ କିଛି ସୂଚନା ମିଳି ନାହିଁ ।
