ପ୍ରଭୁ ଲିଙ୍ଗରାଜଙ୍କୁ ଦର୍ଶନ କରିବା ପାଇଁ ଭକ୍ତଙ୍କ ମଧ୍ୟରେ ଠେଲାପେଲା, ଭିଡ ନିୟନ୍ତ୍ରଣ କରିବାକୁ ପୋଲିସ ନାକେଦମ

ଭୁବନେଶ୍ବର: ଆଜି ମହାଶିବରାତ୍ରିରେ ପ୍ରଭୃ ଲିଙ୍ଗରାଜଙ୍କୁ ଦର୍ଶନ କରିବାକୁ ଭକ୍ତଙ୍କ ମଧ୍ୟରେ ରହିଛି ପ୍ରବଳ ଉତ୍ସାହ। ତେବେ ଚଳିତ ବର୍ଷ ଭକ୍ତଙ୍କ ସଂଖ୍ୟା ବୃଦ୍ଧି ପାଇଥିବାରୁ ସିଂହଦ୍ବାରରେ ଭକ୍ତଙ୍କ ମଧ୍ୟରେ ଠେଲାପେଲା ଆରମ୍ଭ ହୋଇଯାଇଛି। ଏପରିକି କେତେକ ମହିଳା ଭିଡ ଭିତରେ ଅଣନିଶ୍ବାସୀ ହୋଇପଡି ତଳେ ପଡିଯାଇଥିଲେ। ସେମାନଙ୍କୁ ଉପସ୍ଥିତି ସେଚ୍ଛାସେବୀ ବାହାରକୁ ନେଇ ପ୍ରାଥମିକ ଚିକିତ୍ସା କରିଥିଲେ। ଏପରି ପରିସ୍ଥିତି ଦେଖି ଭୁବନେଶ୍ବର ଡିସିପି ଏବଂ ଖୋର୍ଦ୍ଧା ଜିଲ୍ଲାପାଳ ସେଠାରେ ପହଞ୍ଚି ପରିସ୍ଥିତି ନିୟନ୍ତ୍ରଣ କରିଥିବାର ଜଣାପଡିଛି। ତେବେ ଭକ୍ତମାନେ ଶୃଙ୍ଖଳିତ ଭାବେ ଯିବା ପାଇଁ ବ୍ୟାରିକେଟ କରାଯାଇଛି। ହେଲେ ସେ ଭିତରେ ଠେଲାପେଲା ଯୋଗୁଁ ପରିସ୍ଥିତି ଅସମ୍ଭାଳ ହୋଇପଡିଛି। ସାହାଣମେଲା ଦର୍ଶନ ପାଇଁ ଶ୍ରଦ୍ଧାଳୁଙ୍କ ମଧ୍ୟରେ ପ୍ରବଳ ଭିଡ଼ ଦେଖାଯାଇଥିଲା। ରାତି ୧୨ଟାରୁ ଭକ୍ତମାନେ ଲମ୍ବା ଲାଇନରେ ଛିଡା ହୋଇଥିବାରେ ଦେଖିବାକୁ ମିଳିଥିଲା।

Related Articles

Leave a Reply

Your email address will not be published. Required fields are marked *

Back to top button