ତ୍ୱଚାକୁ ସୁସ୍ଥ ରଖେ ଝାଳ
ଝାଳ ଦୁର୍ଗନ୍ଧ ଯୋଗୁଁ ଲୋକମାନେ ପାଖ ମାଡ଼ି ନ ଥାନ୍ତି । ତେବେ ଏହି ସମସ୍ୟାକୁ ନେଇ ଅନେକ ଚିନ୍ତାରେ ରହନ୍ତି । ମାତ୍ର ଝାଳ ଓ ଏହାର ଦୁର୍ଗନ୍ଧ ମଣିଷ ପାଇଁ ହିତକର । ଝାଳ ଶରୀରକୁ କେବଳ ହାଇଡ୍ରେଟ୍ ରଖି ନ ଥାଏ, ବରଂ ଅନେକ ରୋଗଦାଉରୁ ସୁରକ୍ଷିତ ରଖେ । ତ୍ୱଚାରେ ୨୦୦ରୁ ଅଧିକ ବ୍ୟାକ୍ଟେରିଆ ମହଜୁଦ୍ ଅଛନ୍ତି । ଝାଳ ବୋହିଲେ ଏସବୁ ସକ୍ରିୟ ହୋଇ ଉଠନ୍ତି । ଫଳରେ ଝାଳରୁ ଦୁର୍ଗନ୍ଧ ବାହାରେ । କାଖରୁ ବୋହୁଥିବା ଝାଳରେ ଥାଏ ତେଲ, ଫ୍ୟାଟ୍ ଓ ପ୍ରୋଟିନ୍ । ତେବେ ଏହି ବ୍ୟାକ୍ଟେରିଆ ଏକ୍ଜିମା ରୋଗରୁ ରକ୍ଷା କରେ ।
ଝାଳକୁ ଏକପ୍ରକାରର ଆଣ୍ଟିବାୟୋଟିକ୍ ଜୁସ୍ ବୋଲି ବିଶେଷଜ୍ଞମାନେ କହିଛନ୍ତି । ଆଉ ଏହା ହାନିକାରକ ବ୍ୟାକ୍ଟେରିଆ ସହ ଲଢ଼ିବାରେ ପାଚେରୀ ହୋଇ ଛିଡ଼ା ହୋଇଥାଏ । ସେହିପରି ଆଣ୍ଟିବ୍ୟାକ୍ଟେରିଆଲ ସାବୁନ୍ରେ ଗାଧୋଇବା ପରେ ମଧ୍ୟ ଏହା ଶରୀରରେ ମହଜୁଦ୍ ରହନ୍ତି । ତେବେ ଗାଧୋଇବାର ୧୦ ମିନିଟ୍ ମଧ୍ୟରେ ପୁଣି ଥରେ ଏହା ସୃଷ୍ଟି ହୁଅନ୍ତି ଓ ଶରୀରକୁ ସୁସ୍ଥ ରଖନ୍ତି ।
