ଟ୍ୱିନ୍ ସିଟିରେ ଆରମ୍ଭ ହେଲା ଶୀତ
ଭୁବନେଶ୍ୱର: ଟ୍ୱିନ୍ ସିଟିରେ ବଢ଼ିଲା ଶୀତର ପ୍ରକୋପ। ନଭେମ୍ବର ଆରମ୍ଭରୁ ରାଜଧାନୀ ଭୁବନେଶ୍ୱର ଓ କଟକରେ ତାପମାତ୍ରା ୨୦ ଡିଗ୍ରୀ ସେଲସିୟସ୍ ତଳକୁ ଖସିଥିବାରୁ ସକାଳ ଓ ରାତିରେ ଶୀତ ଅନୁଭୂତ ହେଉଛି। ପାଣିପାଗ ତଥ୍ୟ ଅନୁଯାୟୀ, କଟକରେ ସର୍ବନିମ୍ନ ତାପମାତ୍ରା ୧୭.୬ ଡିଗ୍ରୀ ଏବଂ ଭୁବନେଶ୍ୱରରେ ୧୮.୯ ଡିଗ୍ରୀ ସେଲସିୟସ୍ ରେକର୍ଡ ହୋଇଛି। ପାରଦ କମିବା କାରଣରୁ ସକାଳୁ ଘରୁ ବାହାରୁଥିବା ଏବଂ ରାତିରେ ଯାତାୟାତ କରୁଥିବା ଲୋକେ ଅଧିକ ଥଣ୍ଡା ଅନୁଭବ କରୁଛନ୍ତି। ଆଗକୁ ଶୀତର ପ୍ରଭାବ ଆହୁରି ବଢ଼ିବା ସମ୍ଭାବନା ରହିଛି। ସକାଳ ସମୟରେ ବିଶେଷକରି ଗ୍ରାମାଞ୍ଚଳ ଏବଂ ନଦୀପଠା ଅଞ୍ଚଳରେ ହାଲୁକାରୁ ମଧ୍ୟମ ଧରଣର କୁହୁଡ଼ି ଦୃଶ୍ୟମାନ ହେଉଛି, ଯାହାକି ଶୀତର ଆଗମନକୁ ଆହୁରି ସ୍ପଷ୍ଟ କରୁଛି।
