ଉପରାଷ୍ଟ୍ରପତି ନିର୍ବାଚନ ପାଇଁ ଆରମ୍ଭ ହେଲା ପ୍ରକ୍ରିୟା

ନୂଆଦିଲ୍ଲୀ: ଉପରାଷ୍ଟ୍ରପତି ନିର୍ବାଚନ ପାଇଁ ନିର୍ବାଚନ କମିଶନ ପ୍ରକ୍ରିୟା ଆରମ୍ଭ କରିଛନ୍ତି। ଆଜି ଏ ସମ୍ପର୍କରେ କମିଶନ ଏକ ପ୍ରେସ୍ ବିଜ୍ଞପ୍ତି ଜାରି କରିଛନ୍ତି। ନିର୍ବାଚନ କମିଶନ କହିଛନ୍ତି ଯେ, ଗୃହ ମନ୍ତ୍ରଣାଳୟ ୨୨ ଜୁଲାଇରେ ଉପରାଷ୍ଟ୍ରପତି ଜଗଦୀପ ଧନଖଡ଼ଙ୍କ ଇସ୍ତଫା ବିଷୟରେ ସୂଚନା ଦେଇଥିଲା। ଉପରାଷ୍ଟ୍ରପତିଙ୍କ ନିର୍ବାଚନ ସମ୍ପର୍କିତ ପ୍ରସ୍ତୁତି ଆରମ୍ଭ ହୋଇଛି। ନିର୍ବାଚନ ତାରିଖ ଖୁବ୍ ଶୀଘ୍ର ଘୋଷଣା କରାଯିବ। ସୋମବାର (୨୧ ଜୁଲାଇ) ଧନଖଡ଼ ତାଙ୍କ ଇସ୍ତଫା ଘୋଷଣା କରିଥିଲେ। ଏହା ପରେ ସେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବାକୁ ଯାଇଥିଲେ। ରାଷ୍ଟ୍ରପତି ମଙ୍ଗଳବାର ଇସ୍ତଫାକୁ ମଞ୍ଜୁରୀ ଦେଇଛନ୍ତି। ସମ୍ବିଧାନର ଧାରା ୬୮ ଅନୁଯାୟୀ, ଉପରାଷ୍ଟ୍ରପତି ପଦବୀ ଖାଲି ହେବା ପରେ ଯଥାଶୀଘ୍ର ନିର୍ବାଚନ କରିବା ବାଧ୍ୟତାମୂଳକ। ତେଣୁ ନିୟମ ଅନୁଯାୟୀ, ଏହି ପ୍ରକ୍ରିୟା ଶୀଘ୍ର ସମାପ୍ତ କରିବାକୁ ପଡିବ। ଏହି ସମ୍ପର୍କରେ, ନିର୍ବାଚନ କମିଶନ ଏକ ବିଜ୍ଞପ୍ତି ଜାରି କରିଛନ୍ତି।