ଜାନୁଆରୀ ୨୦-୨୧ରେ ତାମିଲନାଡୁର ଏକାଧିକ ମନ୍ଦିର ପରିଦର୍ଶନ କରିବେ ପ୍ରଧାନମନ୍ତ୍ରୀ

ଶ୍ରୀ ରଙ୍ଗନାଥସ୍ୱାମୀ ମନ୍ଦିର

ତ୍ରିଚିର ଶ୍ରୀରଙ୍ଗମଠାରେ ଅବସ୍ଥିତ ଏହି ମନ୍ଦିର ଦେଶର ଅନ୍ୟତମ ପ୍ରାଚୀନ ମନ୍ଦିର ପରିସର ଏବଂ ପୁରାଣ ଏବଂ ସଙ୍ଗମ ଯୁଗ ଗ୍ରନ୍ଥ ସମେତ ବିଭିନ୍ନ ପ୍ରାଚୀନ ଗ୍ରନ୍ଥରେ ଏହାର ଉଲ୍ଲେଖ ରହିଛି । ଏହା ଏହାର ସ୍ଥାପତ୍ୟ ମହିମା ଏବଂ ଏହାର ଅନେକ ପ୍ରସିଦ୍ଧ ଗୋପୁରମ୍ ପାଇଁ ପ୍ରସିଦ୍ଧ । ଏଠାରେ ପୂଜା ପାଉଥିବା ମୁଖ୍ୟ ଦେବତା ହେଉଛନ୍ତି ଭଗବାନ ବିଷ୍ଣୁଙ୍କ ଏକ ରୂପ ଶ୍ରୀ ରଙ୍ଗନାଥ ସ୍ୱାମୀ । ବୈଷ୍ଣବ ଶାସ୍ତ୍ରରେ ଏହି ମନ୍ଦିରରେ ପୂଜା ପାଉଥିବା ମୂର୍ତ୍ତି ଏବଂ ଅଯୋଧ୍ୟା ମଧ୍ୟରେ ସମ୍ପର୍କ ବିଷୟରେ ଉଲ୍ଲେଖ ରହିଛି । ବିଶ୍ୱାସ କରାଯାଏ ଯେ ଶ୍ରୀରାମ ଏବଂ ତାଙ୍କ ପୂର୍ବପୁରୁଷମାନେ ବିଷ୍ଣୁଙ୍କ ଯେଉଁ ମୂର୍ତ୍ତିକୁ ପୂଜା କରୁଥିଲେ ତାହାକୁ ସେ ଲଙ୍କା ନେବା ପାଇଁ ବିଭୀଷଣଙ୍କୁ ଦେଇଥିଲେ । ବାଟରେ ଏହି ମୂର୍ତ୍ତିକୁ ଶ୍ରୀରଙ୍ଗମ୍ ରେ ସ୍ଥାପିତ କରାଯାଇଥିଲା।

ମହାନ ଦାର୍ଶନିକ ତଥା ସନ୍ଥ ଶ୍ରୀ ରାମାନୁଜାଚାର୍ଯ୍ୟ ମଧ୍ୟ ଏହି ମନ୍ଦିରର ଇତିହାସ ସହିତ ଗଭୀର ଭାବରେ ଜଡ଼ିତ । ଏହାବ୍ୟତୀତ, ଏହି ମନ୍ଦିରରେ ଅନେକ ଗୁରୁତ୍ୱପୂର୍ଣ୍ଣ ସ୍ଥାନ ରହିଛି – ଉଦାହରଣ ସ୍ୱରୂପ, ପ୍ରସିଦ୍ଧ କାମ୍ବା ରାମାୟଣମ୍ ପ୍ରଥମେ ତାମିଲ କବି କାମ୍ବା ରାମାୟଣମ୍ କୁ ଏହି ପରିସରର ଏକ ନିର୍ଦ୍ଦିଷ୍ଟ ସ୍ଥାନରେ ସାର୍ବଜନୀନ ଭାବରେ ଉପସ୍ଥାପନ କରିଥିଲେ ।

ଶ୍ରୀ ଅରୁଲମିଗୁ ରାମନାଥସ୍ୱାମୀ ମନ୍ଦିର, ରାମେଶ୍ୱରମ୍

ଏହି ମନ୍ଦିରରେ ପୂଜା ପାଉଥିବା ମୁଖ୍ୟ ଦେବତା ହେଉଛନ୍ତି ଶ୍ରୀ ରାମନାଥସ୍ୱାମୀ, ଯାହା ଭଗବାନ ଶିବଙ୍କର ଏକ ରୂପ ଅଟେ । ଏହି ମନ୍ଦିରର ମୁଖ୍ୟ ଲିଙ୍ଗ ଶ୍ରୀରାମ ଓ ମାତା ସୀତାଙ୍କ ଦ୍ୱାରା ସ୍ଥାପନ ଓ ପୂଜା ପାଉଥିଲେ ବୋଲି ସାଧାରଣରେ ବିଶ୍ୱାସ ରହିଛି । ଏହି ମନ୍ଦିରରେ ସବୁଠାରୁ ଲମ୍ବା ମନ୍ଦିର କରିଡର ରହିଛି, ଯାହା ଏହାର ସୁନ୍ଦର ସ୍ଥାପତ୍ୟ ପାଇଁ ମଧ୍ୟ ପ୍ରସିଦ୍ଧ । ଏହା ଚାରି ଧାମ ମଧ୍ୟରୁ ଗୋଟିଏ – ବଦ୍ରିନାଥ, ଦ୍ୱାରକା, ପୁରୀ ଏବଂ ରାମେଶ୍ୱରମ । ଏହା ମଧ୍ୟ ୧୨ଟି ଜ୍ୟୋତିର୍ଲିଙ୍ଗ ମଧ୍ୟରୁ ଅନ୍ୟତମ ।

କୋଠଣ୍ଡରାମାସ୍ୱାମୀ ମନ୍ଦିର, ଧନୁଷକୋଡ଼ି

ଏହି ମନ୍ଦିରଶ୍ରୀ କୋଠଣ୍ଡାରାମା ସ୍ୱାମୀଙ୍କୁ ସମର୍ପିତ । କୋଠଣ୍ଡାରାମା ନାମର ଅର୍ଥ ଧନୁ ସହିତ ରାମ । ଏହା ଧନୁଷକୋଡି ନାମକ ଏକ ସ୍ଥାନରେ ଅବସ୍ଥିତ । କୁହାଯାଏ, ଏଠାରେ ବିଭୀଷଣ ପ୍ରଥମେ ଶ୍ରୀରାମଙ୍କୁ ଭେଟି ଆଶ୍ରୟ ମାଗିଥିଲେ। କେତେକ କିମ୍ବଦନ୍ତୀରେ ଏହା ମଧ୍ୟ କୁହାଯାଇଛି ଯେ ଏହି ସ୍ଥାନରେ ଶ୍ରୀରାମ ବିଭୀଷଣର ରାଜ୍ୟାଭିଷେକ ପରିଚାଳନା କରିଥିଲେ।