ଚିଲ୍ଲୀ ରାଷ୍ଟ୍ରପତିଙ୍କ ଭାରତଗସ୍ତ, ମୋଦିଙ୍କୁ ଭେଟିଲେ ବୋରିକ

ନୂଆଦିଲ୍ଲୀ: ଚିଲ୍ଲୀ ରାଷ୍ଟ୍ରପତି ଗାବ୍ରିଏଲ ବୋରିକ ଫଣ୍ଟଙ୍କ ପ୍ରଥମ ଭାରତ ଗସ୍ତ । ଏହି ଅବସରରେ ଚିଲ୍ଲୀ ରାଷ୍ଟ୍ରପତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ପ୍ରଶଂସା କରିଛନ୍ତି। ଭାରତ ସହ ଚିଲ୍ଲୀର କାମ ସମ୍ପର୍କକୁ ନେଇ ପ୍ରସ୍ତାବ ଦେଇଛନ୍ତି ରାଷ୍ଟ୍ରପତି ଗାବ୍ରିଏଲ। ଖବରମୁତାବକ, ଚିଲ୍ଲୀ ରାଷ୍ଟ୍ରପତି ଦୀର୍ଘ ୧୬ ବର୍ଷ ପରେ ପ୍ରଥମ କରି ଭାରତ ଗସ୍ତରେ ଆସିଛନ୍ତି । ୧୬ବର୍ଷ ମଧ୍ୟରେ ଭାରତରେ ଅନେକ ପରିବର୍ତ୍ତନ ହୋଇଯାଇଛି ବୋଲି କହିଛନ୍ତି ଚିଲ୍ଲୀ ରାଷ୍ଟ୍ରପତି । ଭାରତକୁ ଆସିବା ପରେ ସସମ୍ମାନରେ ଚିଲ୍ଲୀ ରାଷ୍ଟ୍ରପତଙ୍କୁ ସ୍ବାଗତ କରାଯାଇଥିଲା । ଯେଉଁଥି ପାଇଁ ରାଷ୍ଟ୍ରପତି ମୋଦିଙ୍କୁ କୃତଜ୍ଞତା ଜ୍ଞାପନ କରିଛନ୍ତି । ଏହା ମଧ୍ୟ କହିଛନ୍ତି ଯେ, କୌଣସି ନେତା ଏପରି କରିପାରିବେ ନାହିଁ ଯାହା ଆପଣ କରିଛନ୍ତି । ଆପଣ ବିଭିନ୍ନ ଦେଶକୁ ସମର୍ଥନ କରୁଛନ୍ତି । ପ୍ରତ୍ୟେକ ଦେଶର ରାଜନେତାଙ୍କ ସହ ଆପଣ କଥା ମଧ୍ୟ ହୋଇପାରିବେ। ଗାବ୍ରିଏଲ ଶେଷରେ ଭୂ-ରାଜନୈତିକ ଖେଳାଳୀ ଭାବେ ମୋଦିଙ୍କୁ ସମ୍ଭୋଧନ କରିଛନ୍ତି । ଏହା ବ୍ୟତୀତ ଭାରତ ସହ ଭଲ ସମ୍ପର୍କ ରଖିବାକୁ ଚିଲ୍ଲୀ ରାଷ୍ଟ୍ରପତି ମୋଦିଙ୍କୁ ପ୍ରସ୍ତାବ ଦେଇଛନ୍ତି । ପ୍ରଧାନମନ୍ତ୍ରୀଙ୍କ ନିମନ୍ତ୍ରଣ କ୍ରମେ ୧ରୁ ୫ ଏପ୍ରିଲ ପର୍ଯ୍ୟନ୍ତ ଭାରତ ଗସ୍ତରେ ଆସିଛନ୍ତି ଚିଲ୍ଲୀ ରାଷ୍ଟ୍ରପତି ଗାବ୍ରିଏଲ । ଭାରତ ସହ ସୁସମ୍ପର୍କ ରଖିବା ପାଇଁ ମୋଦିଙ୍କୁ ପ୍ରସ୍ତାବ ଦେଇଛନ୍ତି । ଏହା ମଧ୍ୟ କହିଛନ୍ତି ତାଙ୍କର ଅନେକ ଦେଶ ସହିତ ସମ୍ପର୍କ ରହିଛି କିନ୍ତୁ ବର୍ତ୍ତମାନ ସେ ଭାରତ ସହିତ ସମ୍ପର୍କ ରଖିବାକୁ ଚାହୁଁଛନ୍ତି । ଚିଲ୍ଲୀ ଏକ ଏପରି ଦେଶ ଯାହା କେବଳ ଗୋଟିଏ ଦେଶ ଉପରେ ନିର୍ଭରଶୀଳ ନୁହେଁ ବରଂ ଦେଶମାନଙ୍କ ସହିତ ଆମେ ଜଡିତ । ଭାରତ ସହିତ ସମ୍ପର୍କକୁ ନେଇ ଚିଲ୍ଲୀ ରାଷ୍ଟ୍ରପତି ଗୁରୁତ୍ବ ଦେଇଛନ୍ତି । ବିଦେଶ ମନ୍ତ୍ରାଳୟ କହିବାନୁଯାୟୀ,୨୦୨୪ G20 ସମ୍ମିଳନୀରେ ରାଷ୍ଟ୍ରପତି ଗାବ୍ରିଏଲ ବୋରିକ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଉଭୟ ଉଭୟଙ୍କ ସହ ସାକ୍ଷାତ ହୋଇଥିଲେ । ହାଇଦ୍ରାବାଦ ହାଉସରେ ମଙ୍ଗଳବାର ଦିନ ଦ୍ବିପକ୍ଷୀୟଙ୍କ ମଧ୍ୟରେ ଆଲୋଚନା ହୋଇଥିଲା ଯାହା ପରେ ଭୋଜିର ଆୟୋଜନ ମଧ୍ୟ କରାଯାଇଥିଲା ।