ସାଥୀ ଖୋଜୁଛନ୍ତି ଟାଇଗର୍
ବଲିଉଡ୍ର ଜଣାଶୁଣା ଅଭିନେତା ଟାଇଗର ଶ୍ରଫ୍ ଏବେ ସାଥୀ ସନ୍ଧାନରେ ଅଛନ୍ତି । ଦୀର୍ଘ ଦିନ ଧରି ଅଭିନେତ୍ରୀ ଦିଶା ପଟାନୀଙ୍କୁ ଡେଟ୍ କରିବା ପରେ ତାଙ୍କ ଠାରୁ ଅଲଗା ହୋଇଛନ୍ତି ଟାଇଗର୍ । ଅର୍ଥାତ୍ ଦୁହିଁଙ୍କ ସମ୍ପର୍କରେ ଏବେ ପୂର୍ଣ୍ଣଛେଦ ପଡ଼ିଛି । କୁହାଯାଉଛି, ଦିଶା ବାହାଘର ପାଇଁ ଟାଇଗରଙ୍କ ଉପରେ ଚାପ ପକାଉ ଥିଲେ । ମାତ୍ର ଟାଇଗର ବିବାହ ପାଇଁ ପ୍ରସ୍ତୁତ ନ ଥିଲେ । ଏହି କାରଣ ଯୋଗୁଁ ଦୁହେଁ ପରସ୍ପରଠାରୁ ସବୁଦିନ ପାଇଁ ଅଲଗା ହୋଇଯାଇଛନ୍ତି । ତେବେ କଫି ୱିଥ୍ କରଣ ଶୋ’ରେ କ୍ରିତି ସାନନଙ୍କ ସହ ନଜର ଆସିବେ ଟାଇଗର । ଏହାର ପ୍ରମୋ ମଧ୍ୟ ରିଲିଜ୍ ହୋଇଛି । ଏହି ପ୍ରମୋରୁ ଦେଖାଯାଇଛି ଟାଇଗର ନିଜ ମନକଥା କହୁଛନ୍ତି । ସେ ଶ୍ରଦ୍ଧାଙ୍କୁ ଖୁବ୍ ପସନ୍ଦ କରୁଥିବା କହିଛନ୍ତି । ଏହା ବ୍ୟତୀତ ସେ ସବୁବେଳେ ଶ୍ରଦ୍ଧାଙ୍କ ପ୍ରତି ଆକର୍ଷିତ ଥିବା ବି କହିଛନ୍ତି । ସେହିପରି ରିଲେସନସିପ୍ ବାବଦରେ ପଚରାଯିବାରୁ ଏବେ ସିଙ୍ଗଲ୍ ଥିବା ସେ ସ୍ୱୀକାର କରିଛନ୍ତି । ଏପରିିକି ଡେଟ୍ ପାଇଁ ସେ ସାଥୀ ଖୋଜୁଥିବା କହିଛନ୍ତି । ଦେଖାଯାଉ ଟାଇଗର୍ଙ୍କୁ ତାଙ୍କ ନୂଆ ସାଥୀ କେବେ ମିଳୁଛନ୍ତି ।
