ଜାନୁଆରୀ ୯ ରୁ ମହିଳା ପ୍ରିମିୟର ଲିଗ୍

ନୂଆଦିଲ୍ଲୀ: ମହିଳା ଟି-୨୦ କ୍ରିକେଟ୍ ପାଇଁ ସବୁଠାରୁ ବଡ଼ ପ୍ଲାଟଫର୍ମ, ମହିଳା ପ୍ରିମିୟର ଲିଗ୍ ୨୦୨୬ ପୁଣି ଥରେ ଚହଳ ପକାଇବାକୁ ପ୍ରସ୍ତୁତ। BCCI ଆଜି ସପୂର୍ଣ୍ଣ ଟୁର୍ଣ୍ଣାମେଣ୍ଟ ସୂଚୀ ପ୍ରକାଶ କରିଛି, ଯାହା ଶୁକ୍ରବାର, ଜାନୁଆରୀ ୯ ତାରିଖ ୨୦୨୬ ରେ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (MI vs RCB) ମଧ୍ୟରେ ଏକ ହାଇ-ଭୋଲଟେଜ୍ ମ୍ୟାଚ୍ ସହିତ ଆରମ୍ଭ ହେବ। ୨୨ ମ୍ୟାଚ୍ ବିଶିଷ୍ଟ ଏହି ଲିଗ୍ ଫେବୃଆରୀ ୫ ତାରିଖ ୨୦୨୬ରେ ଫାଇନାଲ ସହିତ ଶେଷ ହେବ। ଏହି ବର୍ଷ, WPL-୨୦୨୬ ଟୁର୍ଣ୍ଣାମେଣ୍ଟ ଦୁଇଟି ସହରରେ ଖେଳାଯିବ: ନଭି ମୁମ୍ବାଇ ଏବଂ ବଡୋଦରା। ପ୍ରଥମ ୧୧ ଟି ମ୍ୟାଚ୍ ନଭି ମୁମ୍ବାଇରେ ଖେଳାଯିବ, ଯେତେବେଳେ ଅବଶିଷ୍ଟ ମ୍ୟାଚ୍ ବଡୋଦରାରେ ଖେଳାଯିବ। ପାଞ୍ଚଟି WPL ଫ୍ରାଞ୍ଚାଇଜ୍ – ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀ କ୍ୟାପିଟାଲ୍ସ, ୟୁପି ୱାରିୟର୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜରାଟ ଜଏଣ୍ଟ୍ସ – ସେମାନଙ୍କର ପ୍ରସ୍ତୁତିକୁ ଜୋରଦାର କରିଛନ୍ତି। ଏଥର ପ୍ରତ୍ୟେକ ଦଳ ଟାଇଟଲ କବ୍ଜା କରିବା ଉଦ୍ଦେଶ୍ୟରେ ପଡ଼ିଆକୁ ପ୍ରବେଶ କରିବାକୁ ଯାଉଛନ୍ତି।