କାଶ୍ମୀରରେ ଅନୁପ୍ରବେଶ ଉଦ୍ୟମ ପଣ୍ଡ, ଦୁଇ ଆତଙ୍କବାଦୀ ନିହତ
ନୂଆଦିଲ୍ଲୀ: ଉତ୍ତର କାଶ୍ମୀରର କୁପୱାଡା ଜିଲ୍ଲାର କେରନ ସେକ୍ଟରରେ ଅନୁପ୍ରବେଶ ଉଦ୍ୟମକୁ ସେନା ପଣ୍ଡ କରିଛି। ସେନା କହିଛି ଯେ, ଅପରେସନ ସମୟରେ ଦୁଇ ଆତଙ୍କବାଦୀ ନିହତ ହୋଇଛନ୍ତି। ସନ୍ଦେହ କରାଯାଉଛି ଯେ, ଏହି ଅଞ୍ଚଳରେ ଆହୁରି ଆତଙ୍କବାଦୀ ଲୁଚି ରହିଥିବା ସନ୍ଦେହ କରାଯାଉଛି, ତେଣୁ ଆତଙ୍କବାଦୀଙ୍କ ବିରୁଦ୍ଧରେ ସେନାର ଅଭିଯାନ ବର୍ତ୍ତମାନ ଜାରି ରହିଛି। ସେନା ଅନୁଯାୟୀ, ପାକିସ୍ତାନ ସହିତ ନିୟନ୍ତ୍ରଣ ରେଖା ନିକଟରେ ସୈନିକମାନେ ସନ୍ଦେହଜନକ କାର୍ଯ୍ୟକଳାପ ଦେଖିଥିଲେ। ସେନା ସେମାନଙ୍କୁ ଚ୍ୟାଲେଞ୍ଜ କରିଥିଲା। ଆତଙ୍କବାଦୀମାନେ ଆଖିବୁଜା ଗୁଳି ଚଳାଇଥିଲେ, ଯାହା ଫଳରେ ସୁରକ୍ଷା ବାହିନୀ ତୁରନ୍ତ ଜବାବ ଦେଇଥିଲେ। ଯେଉଁଥିରେ ଦୁଇ ଆତଙ୍କବାଦୀଙ୍କ ମୃତ୍ୟୁ ହୋଇଥିଲା।
