ସାହିତ୍ୟିକ ଦେବଦାସ ଛୋଟରାୟ ପାଇବେ ଶାରଳା ପୁରସ୍କାର

ଭୁବନେଶ୍ବର: ପ୍ରଖ୍ୟାତ ସାହିତ୍ୟିକ ତଥା କବି ଦେବଦାସ ଛୋଟରାୟ ପାଇବେ ଚଳିତ ବର୍ଷର ସମ୍ମାନଜନକ ଶାରଳ ପୁରସ୍କାର। ପୁରସ୍କାର ସ୍ବରୂପ ତାଙ୍କୁ ସାତ ଲକ୍ଷ ଟଙ୍କା, ମାନପତ୍ର ଓ ଫଳକ ପ୍ରଦାନ କରାଯିବ। ତାଙ୍କର ଗଳ୍ପ ସଙ୍କଳନ ମ୍ୟାଟିନ ସୋ ପାଇଁ ସେ ଏହି ପୁରସ୍କାର ପାଇବାକୁ ମନୋନିତ ହୋଇଛନ୍ତି।ଏହି ପୁସ୍ତକକୁ ପ୍ରକାଶ କରିଛନ୍ତି ଟାଇମପାଶ ପ୍ରକାଶନୀ ସଂସ୍ଥା। ଏଥିସହିତ ପ୍ରଖ୍ୟାତ ଚିତ୍ରକର ବଳଦେବ ମହାରଥା ଏବଂ ପ୍ରଖ୍ୟାତ ଓଡିଶୀ ସଂଗୀତଜ୍ଞ ଗୁରୁ ରାମହରି ଦାସଙ୍କୁ ମିଳିବ ଇଲା ବଂଶୀଧର ପଣ୍ଡା କଳା ସମ୍ମାନ। ଉଭୟଙ୍କୁ ଦୁଇ ଲକ୍ଷ ପଚାଶ ହଜାର ଟଙ୍କା ଲେଖାଏଁ ପ୍ରଦାନ କରାଯିବ। ଏଥିସହିତ ମାନପତ୍ର ଓ ଫଳକ ପ୍ରଦାନ କରାଯିବ। ପ୍ରତିବର୍ଷ ଏହି ପୁରସ୍କାର ଇମ୍ପା ଚ୍ୟାରିଟେବୁଲ ଟ୍ରଷ୍ଟ ତରଫରୁ ପ୍ରଦାନ କରାଯାଇଥାଏ। ଆସନ୍ତା ଅକ୍ଟୋବର 26 ତାରିଖରେ ଏହି ପୁରସ୍କାର ପ୍ରଦାନ କରାଯିବ।