ଉତ୍କର୍ଷ ଓଡିଶା ୨୦୨୫: ଫାଲକନ୍ ଗୃପର ୧୫୦୦ କୋଟି ନିବେଶ, ସୃଷ୍ଟି କରିବ ୫୦୦୦ରୁ ଉର୍ଦ୍ଧ୍ଵ ରୋଜଗାର

ଭୁବନେଶ୍ଵର: ଫାଲକନ୍ ହୋଲ୍ଡିଂସ୍ ପ୍ରାଇଭେଟ୍ ଲିମିଟେଡ ହେଉଛି ଫାଲକନ ଦଳର ଏକ ମୁଖ୍ୟ ଭାଗ ଯାହା ଓଡ଼ିଶାର ଏକ ଘରୋଇ ବ୍ୟବସାୟ ସଂସ୍ଥା। ଏହା ଟିଟାନିୟମ୍ ଡାଇଓକ୍ସାଇଡ୍ (ଟିଆଇଓ୨) ଉତ୍ପାଦନକୁ ପୁନର୍ବିକାସ କରିବାକୁ ଯାଉଛି। ଯାହାପାଇଁ ୧୦୫୦ କୋଟି ନିବେଶ କରାଯିବାର ସ୍ଥିର ହୋଇଛି। ଏହି ପ୍ଲାଣ୍ଟର ଉତ୍ପାଦନ କ୍ଷମତା ୩୦,୦୦୦ଟନ୍ (KTPA) ହେବାକୁ ଥିବାବେଳେ ଏହା ଦ୍ୱାରା ପେଣ୍ଟସ, କୋଟିଙ୍ଗ, ପ୍ଲାସ୍ଟିକ୍ସ ଏବଂ ବସ୍ତ୍ର ଶିଳ୍ପରେ ଟିଆଇଓ୨ ର ଉତ୍ପାଦନ ଆବଶ୍ୟକତା ପୂରଣ କରାଯିବ। ଏହା ସହ ୪୫୦ କୋଟିର ମଲ୍ଟି-ଅର୍ଗାନ ଟ୍ରାନ୍ସପ୍ଲାଣ୍ଟ କମ୍ପ୍ଲେକ୍ସ ଏବଂ ଏଆଇ ଏବଂ ରୋବୋଟିକ୍ ଚିକିତ୍ସା ସୁବିଧା ସହିତ ୫୦୦ ଶଯ୍ୟା ବିଶିଷ୍ଟ ମଲ୍ଟି-ସ୍ପେଶାଲିଟି ହସ୍ପିଟାଲ ମଧ୍ୟ ଖୋଲିବ। ଆର୍ଥିକ ସମୃଦ୍ଧ ବୃଦ୍ଧି କରିବା ସହିତ ଏହି ନିବେଶ ସୃଷ୍ଟି କରିବ ୫୦୦୦ ରୁ ଉର୍ଦ୍ଧ ରୋଜଗାର। ଏହା ପାଇଁ ଚୁକ୍ତିନାମା ସ୍ବାକ୍ଷର ସରିଛି ଓ ଏହି କାର୍ଯକ୍ରମରେ ଉପସ୍ଥିତ ଥିଲେ ଫାଲକନ୍ ହୋଲ୍ଡିଂସ୍ ପ୍ରାଇଭେଟ୍ ଲିମିଟେଡର ଡାଇରେକ୍ଟର ପାର୍ଥଜୀତ ପଟ୍ଟନାୟକ, ଓଡ଼ିଶାର ସମ୍ମାନନୀୟ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ବହୁ ବିଶିଷ୍ଠ ବ୍ୟକ୍ତିଗଣ। ଏହି ପ୍ଲାଣ୍ଟର କ୍ଷମତା ୩୦,୦୦୦ ଟନ୍ ପରିବାର୍ଷ (KTPA) ସହ ଭାରତର ସବୁଠାରୁ ବଡ଼ ଟିଆଇଓ୨ ପ୍ଲାଣ୍ଟଗୁଡିକୁ ମଧ୍ୟ ଗଢିବ। ଏହି ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଥିଲେ ଯେ ଓଡିଶାରେ ଅଗ୍ରଗତି ପାଇଁ ଏହା ଏକ ସମୃଦ୍ଧ କ୍ଷେତ୍ର ତିଆରି କରିବ। ଓଡିଶାକୁ ଏକ ବଡ଼ ଉଦ୍ୟୋଗ ହବ୍ ଭାବେ ଦୃଢ କରିବା ସହିତ ଯୁବ ବର୍ଗଙ୍କ ପାଇଁ ରୋଜଗାର ସୃଷ୍ଟି କରିବ। ଆହୁରି ମଧ୍ୟ ପାର୍ଥଜୀତ ପଟ୍ଟନାୟକ କହିଥିଲେ ଯେ ଟିଆଇଓ୨ ପ୍ଲାଣ୍ଟ ଓଡିଶାର ଉଦ୍ୟୋଗ ଏବଂ ଆର୍ଥିକ ବିକାଶରେ ଏକ ମୁଖ୍ୟ ଅଂଶ ହେବ। ଉତ୍କର୍ଷ ଓଡିଶା ୨୦୨୫ର ଗୁରୁତ୍ୱ: ଉତ୍କର୍ଷ ଓଡିଶା ୨୦୨୫ କାର୍ଯ୍ୟକ୍ରମ ଏହି ଏମଓୟୁ ସାଇନ୍ ହେବା ଓ ଓଡିଶାକୁ ଏକ ପ୍ରମୁଖ ବ୍ୟବସାୟ ଗନ୍ତବ୍ୟ ଭାବରେ ପ୍ରମୋଟ କରିବା ଏହାର ନିବେଶକ ନୀତିଗୁଡିକୁ ଉଲ୍ଲେଖ କରିଥାଏ। ଏହି ପ୍ରକଳ୍ପ ଓଡିଶାକୁ ଶ୍ରେଷ୍ଠ ବ୍ୟବସାୟ ଗନ୍ତବ୍ୟ ଭାବେ ପ୍ରସିଦ୍ଧ କରିବାକୁ ସାହାଯ୍ୟ କରିବ। ଓଡିଶା ଫାଲକନ୍ ଗୃପ ର ସଫଳତା: ଏହି ପ୍ରକଳ୍ପ ଓଡିଶାରେ ସ୍ବାସ୍ଥ୍ୟ ସେବାକୁ ଆଗକୁ ନେବା ସହ ଆର୍ଥିକ ଏବଂ ଉଦ୍ୟୋଗ ଶିଳ୍ପରେ ଅନେକ ସମୃଦ୍ଧି ଆଣିବ ବୋଲି ସଂସ୍ଥାର ଡାଇରେକ୍ଟର ଶ୍ରୀ ପଟ୍ଟନାୟକ କହିଥିଲେ। ଫାଲକନ୍ ଗ୍ରୁପ୍ ଓଡିଶାରେ ଏକ ପ୍ରମୁଖ ୟୁନିଟ୍ ଭାବେ ଅଧିକ ସଂସ୍ଥାନ ଓ ଉଦ୍ୟୋଗ ଗଢିଛି।