ଇଟ ନାଟ୍ୟ ସଂସ୍ଥାର ସୁବର୍ଣ୍ଣ ଜୟନ୍ତୀ
ଭୁବନେଶ୍ୱର : ମଙ୍ଗଳବାର ଦିନ ୧୧ଟା ସମୟରେ ଇଟ ନାଟ୍ୟ ସଂସ୍ଥାର ସୁବର୍ଣ୍ଣ ଜୟନ୍ତୀ ପାଳନ ଏକ ଆଲୋଚନା ଚକ୍ରରୁ ଆରମ୍ଭ ହୋଇଛି । ଏଥିରେ ମୁଖ୍ୟବକ୍ତା ଭାବେ ପଶ୍ଚିମବଙ୍ଗ ସ୍ବନାମ ଧନ୍ୟ ନାଟ୍ୟକାର ଶ୍ରୀ ଚନ୍ଦନ ସେନ, ଶ୍ରୀ ସତ୍ୟବ୍ରତ ରାଉତ, ଶ୍ରୀ ମନୋଜ ପଟ୍ଟନାୟକ, ଶ୍ରୀ ସୁବୋଧ ପଟ୍ଟନାୟକ (ନାଟ୍ୟ ଚେତନା) ନିଜ ବକ୍ତବ୍ୟ ପ୍ରଦାନ କରିଥିଲେ । ଇଟର ନିର୍ଦ୍ଦେଶକ ଶ୍ରୀ ମିହିର ମେହେର ସ୍ବାଗତ ଜଣାଇ ଆଲୋଚନାର ବିଷୟ – ଓଡ଼ିଶାର ନାଟକ ସହ ଜାତୀୟ ନାଟକର ସମ୍ପର୍କ ଓ ସମ୍ଭାବନା ବାବଦରେ ଆଲୋକପାତ କରିବାକୁ ଅନୁରୋଧ କରିଥିଲେ । ଏହି ସମ୍ପୂର୍ଣ୍ଣ ଆଲୋଚନାଚକ୍ରରେ ନାଟ୍ୟ ଗବେଷକ ଡଃ ନାରାୟଣ ସାହୁଙ୍କୁ ପରିଚାଳନା ଓ ସଭାପତିତ୍ବ କରିବାକୁ ଆମନ୍ତ୍ରଣ କରାଗଲା । ମୂଳତଃ ଓଡ଼ିଆ ନାଟୁଆମାନେ ଓଡ଼ିଆ ନାଟକର ଅସ୍ମିତାର ଶକ୍ତି ପ୍ରଦର୍ଶନ କଲେ ତାହା ବିଶ୍ବସ୍ତରରେ ଆଲୋଡନ କରିପାରେ ବୋଲି ଏକ ନିଷ୍କର୍ଷ ବାହାରିଥିଲା ।
