ଏକନାଥ ସିନ୍ଦେ ଏବଂ ଦେବେନ୍ଦ୍ର ଫଡନାଭିସ ବିଜୟୀ

ନୂଆଦିଲ୍ଲୀ: ମହାରାଷ୍ଟରରେ ପୁଣି ଥରେ ସରକାର ଗଢିବାକୁ ଯାଉଛି ମହାୟୁତି ମେଣ୍ଟ। ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ବିଜୟୀ ହୋଇଛନ୍ତି। ସିନ୍ଦେ କୋପ୍ରି-ପଞ୍ଚପଖାଡି ଆସନରୁ ବିଜୟୀ ହୋଇ ଥିବାବେଳେ ଦେବେନ୍ଦ୍ର ଫଡନାଭିସ ନାଗପୁର ଉତ୍ତର-ପଶ୍ଚିମରୁ ବିଜୟୀ ହୋଇଛନ୍ତି। ସେହିପରି ଅଜିତ ପାୱାର ବାରମତିରୁ ବାଜି ମାରିଛନ୍ତି।୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭା ପାଇଁ ମହାୟୁତି ଏବଂ ମହାବିକାଶ ଅଘାଡି ମଧ୍ୟରେ କଡ଼ା ଟକ୍କର ହୋଇଥିଲା। ଦିନ ଗୋଟାଏ ଫଳାଫଳ ଅନୁସାରେ ମହାୟୁତି ୧୪ଟି ଆସନରେ ବିଜୟୀ ସହ ୨୦୯ଟି ଆସନରେ ଆଗୁଆ ରହିଥିଲା।  ସେହିପରି ମହାବିକାଶ ଅଘାଡି ଗୋଟିଏ ଆସନରେ ବିଜୟୀ ହୋଇ ଥିବାବେଳେ ୫୩ଟି ଆସନରେ ଆଗରେ ରହିଥିଲା ଏବଂ ଅନ୍ୟାନ୍ୟ ୧୧ଟି ଆସନରେ ଲିଡ୍ କରୁଥିଲା।