ପଞ୍ଜାବରେ କଂଗ୍ରେସକୁ ବଡ ଝଟକା: ବିଜେପିରେ ଯୋଗ ଦେଲେ ତେଜିନ୍ଦର ସିଂ ବିଟୁ ଏବଂ କରମଜିତ୍ କୌର
ନୂଆଦିଲ୍ଲୀ: ପଞ୍ଜାବ କଂଗ୍ରେସର ଏକ ବଡ ଚେହେରା ତେଜିନ୍ଦର ସିଂ ବିଟୁ ଏବେ ଦଳର ଚିନ୍ତା ବଢାଇ ଦେଇଛନ୍ତି। ଲୋକସଭା ନିର୍ବାଚନ ପୂର୍ବରୁ ସେ କଂଗ୍ରେସରୁ ଇସ୍ତଫା ଦେଇଛନ୍ତି ଏବଂ କିଛି ସମୟ ପରେ ବିଜେପିରେ ଯୋଗ ଦେଇଛନ୍ତି। ତେଜିନ୍ଦର କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ସାମ୍ନାରେ ବିଜେପିରେ ଯୋଗ ଦେଇଛନ୍ତି। ବିନୋଦ ତାୱଡେ ତାଙ୍କୁ ବିଜେପିର ସଦସ୍ୟତା ପ୍ରଦାନ କରିଛନ୍ତି। ପ୍ରକାଶ ଯେ, ଏହି ସମୟ ମଧ୍ୟରେ ଅଶ୍ୱିନୀ ବୈଷ୍ଣବ, ସୁଶୀଲ କୁମାର ଏବଂ ବିନୋଦ ତାୱଡେ ମଧ୍ୟ ବିଜେପି କାର୍ଯ୍ୟାଳୟରେ ଉପସ୍ଥିତ ଥିଲେ। ଏହା ବ୍ୟତୀତ ଚୌଧୁରୀ କରମଜିତ୍ କୌର ମଧ୍ୟ ବିଜେପି ମୁଖ୍ୟାଳୟରେ ପହଞ୍ଚି ଦଳର ସଦସ୍ୟତା ଗ୍ରହଣ କରିଛନ୍ତି। କରମଜିତ୍ କୌର କଂଗ୍ରେସ ଟିକେଟରେ ଜଲନ୍ଧରରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିସାରିଛନ୍ତି।
