ବଳାତ୍କାର ମାମଲା ମହିଳାଙ୍କ ବିରୋଧରେ ହୋଇପାରିବ ନାହିଁ: ସୁପ୍ରିମକୋର୍ଟ

ନୂଆଦିଲ୍ଲୀ : ସୁପ୍ରିମକୋର୍ଟ ପ୍ରଶ୍ନ ଉଠାଇଛନ୍ତି ଜଣେ ମହିଳାଙ୍କୁ ଭାରତୀୟ ଦଣ୍ଡ ସଂହିତା ଧାରା ୩୭୫ ଅନୁଯାୟୀ ବଳାତ୍କାର ମାମଲାରେ ଅଭିଯୁକ୍ତ କରାଯାଇପାରିବ କି? \ବଳାତ୍କାର ମାମଲାରେ ଅଭିଯୁକ୍ତ ୬୨ବର୍ଷ ବୟସ୍କା ମହିଳାଙ୍କ ଜାମିନ ଆବେଦନ ଉପରେ ଶୀର୍ଷ କୋର୍ଟ ଏହି ପ୍ରଶ୍ନ ଉଠାଇଛନ୍ତି। ଜାମିନ ଆବେଦନ କରି ମହିଳା ଜଣକ କହିଛନ୍ତି ତାଙ୍କ ପୁଅଙ୍କ ବିରୋଧରେ ବଳାତ୍କାରର ଏକ ମିଥ୍ୟା ମାମଲା ରୁଜୁ ହୋଇଛି ଏବଂ ତାଙ୍କୁ ମଧ୍ୟ ଏହି ମାମଲାରେ ସମ୍ପୃକ୍ତ କରାଯାଇଛି। ଜଷ୍ଟିସ ହୃଷିକେଶ ରାୟ ଏବଂ ସଞ୍ଜୟ କରୋଲଙ୍କ ବେଞ୍ଚର ଶୁଣାଣି ବେଳେ କହିଛନ୍ତି ଆମ ଅନୁଯାୟୀ, କେବଳ ଜଣେ ପୁରୁଷଙ୍କୁ ଆଇପିସିର ଧାରା ୩୭୫ ଅନୁଯାୟୀ ବଳାତ୍କାରର ଅଭିଯୋଗରେ ଅଭିଯୁକ୍ତ କରାଯାଇପାରିବ।’ ଏହା ସହିତ ସର୍ବୋଚ୍ଚ ନ୍ୟାୟାଳୟଙ୍କ ପକ୍ଷରୁ ମହିଳାଙ୍କ ଜାମିନ ଆବେଦନ ଉପରେ ଏକ ବିଜ୍ଞପ୍ତି ଜାରି କରାଯାଇଛି। ଅଭିଯୁକ୍ତଙ୍କଠାରୁ ଉତ୍ତର ନିଆଯାଇଛି। ଏହି ପ୍ରଶ୍ନ ଉପରେ ବିଚାର କରାଯିବ ବୋଲି ବେଞ୍ଚ କହିଛନ୍ତି। ଆଇପିସିର ଧାରା ୩୭୫ ଅନୁଯାୟୀ ବଳାତ୍କାର ଅପରାଧକୁ ବ୍ୟାଖ୍ୟା କରାଯାଇଛି। ଏହାପୂର୍ବରୁ ମହିଳାଙ୍କ ପକ୍ଷରୁ ହାଜର ହୋଇଥିବା ଓକିଲ କହିଥିଲେ ଜଣେ ମହିଳାଙ୍କୁ ବଳାତ୍କାର ପାଇଁ ବୁକ କରାଯାଇପାରିବ ନାହିଁ। ଓକିଲ ବେଞ୍ଚଙ୍କୁ କହିଛନ୍ତି ଏହା ସ୍ଥିର ହୋଇଛି ଜଣେ ମହିଳାଙ୍କୁ ଗଣ ବଳାତ୍କାର ମାମଲାରେ ସାଧାରଣ ସାକ୍ଷ୍ୟ ଦେବାକୁ କୁହାଯାଇପାରିବ ନାହିଁ। କାରଣ ମହିଳାମାନଙ୍କୁ ବଳାତ୍କାର ପରିଭାଷା ପରିସରରୁ ଦୂରେଇ ରଖାଯାଇଛି। ଏହି ମାମଲାରେ ପଞ୍ଜାବର ନିମ୍ନ ଅଦାଲତ ଏବଂ ପଞ୍ଜାବ ଏବଂ ହରିୟାଣା ହାଇକୋର୍ଟଙ୍କ ଦ୍ୱାରା ଅଗ୍ରୀମ ଜାମିନ ଆବେଦନକୁ ଖାରଜ କରାଯିବା ପରେ ମହିଳା ସର୍ବୋଚ୍ଚ ଅଦାଲତଙ୍କର ଦ୍ୱାରସ୍ଥ ହୋଇଥିଲେ।