ବଡି ଭୋରରୁ ଶ୍ରୀମନ୍ଦିର ପ୍ରକଳ୍ପ ଅନୁଧ୍ୟାନ କଲେ ୫ ଟି ସଚିବ ଭି କେ ପାଣ୍ଡିଆନ୍
ପୁରୀ: ସିଏମ୍ (୫ ଟି) ସଚିବ ଶ୍ରୀ ଭି.କେ ପାଣ୍ଡିଆନ୍ ଆଜି ସକାଳେ ପୁରୀ ଶ୍ରୀ ଜଗନ୍ନାଥ ମନ୍ଦିର ପରିଦର୍ଶନ କରି ଶ୍ରୀ ଜଗନ୍ନାଥ ପାରିକ୍ରମା ପ୍ରକଳ୍ପର ସମୀକ୍ଷା କରିଥିଲେ। ସେ ଭୋର ୪ ଟାରୁ ସକାଳ ୭ ପର୍ଯ୍ୟନ୍ତ ପରିକ୍ରମା ପ୍ରକଳ୍ପର କ୍ଷେତ୍ର ପରିଦର୍ଶନ କରିଥିଲେ। ସମୀକ୍ଷା ସମୟରେ ୫ଟି ସଚିବ ଜିଲ୍ଲା ଅଧିକାରୀ ଏବଂ ଏଜେନ୍ସିମାନଙ୍କୁ ଡିସେମ୍ବର -୨୦୨୩ ସୁଦ୍ଧା ଏହି ପ୍ରକଳ୍ପ ସଂପୂର୍ଣ୍ଣ କରିବାକୁ ନିର୍ଦ୍ଦେଶ ଦେଇଛନ୍ତି
ସମୀକ୍ଷାରେ ଯାହା ନିଷ୍ପତି ହେଲା ସେଗୁଡିକ ହେଲା
ଯାତ୍ରୀ ଏବଂ ସେବାୟତମାନଙ୍କ ପାଇଁ ଦୁଇ ଚକିଆ ଯାନ ପାର୍କିଂ ପାଇଁ ପର୍ଯ୍ୟାପ୍ତ ବ୍ୟବସ୍ଥା କରାଯିବ।
ବାହ୍ୟ ପ୍ରବେଶ ରାସ୍ତାକୁ ଜବରଦଖଲ ମୁକ୍ତ ରଖିବା ପାଇଁ ବିଶେଷ ଧ୍ୟାନ ଦିଆଯିବ
ମଠଗୁଡିକର ପୁନଃ ବିକାଶ କାର୍ଯ୍ୟର ସମୀକ୍ଷା କରାଯାଇଥିଲା। ଏଥିରେ କାମ କରୁଥିବା ସଂସ୍ଥା ସହିତ ଆଲୋଚନା କରି କାର୍ଯ୍ୟକୁ ତ୍ୱରାନ୍ୱିତ କରିବା ଏବଂ ଏହି ମଠର ଇତିହାସ ଏବଂ ଐତିହ୍ୟକୁ ସଂରକ୍ଷିତ ରଖି କାମ କରିବା ପାଇଁ ନିଷ୍ପତି ଗ୍ରହଣ କରାଯାଇଥିଲା।
ଶ୍ରୀ ଜଗନ୍ନାଥ ମନ୍ଦିର ପ୍ରକଳ୍ପ ଐତିହ୍ୟ ସହିତ ବିଭିନ୍ନ ପ୍ରାକୃତିକ ଉଦ୍ଭିଦ ବ୍ୟବହାର କରି ଲ୍ୟାଣ୍ଡସ୍କେପ୍ କାର୍ଯ୍ୟ ଉପରେ ବିଶେଷ ଧ୍ୟାନ ଦେବାକୁ ପାଣ୍ଡିଆନ ପରାମର୍ଶ ଦେଇଥିଲେ।
ଏସଟିପି କାର୍ଯ୍ୟକୁ ତ୍ବରାନିତ କରାଯିବ
ଇଲେକ୍ଟ୍ରିକାଲ୍ ସବ୍-ଷ୍ଟେସନ୍ କାର୍ଯ୍ୟ ଶୀଘ୍ର ଶେଷ ହେବ
ଟାଟା ପ୍ରୋଜେକ୍ଟକୁ ନିର୍ଦ୍ଦିଷ୍ଟ ସମୟ ମଧ୍ୟରେ କାର୍ଯ୍ୟ ସମାପ୍ତ କରିବାକୁ ରାତି ସମୟରେ ଅଧିକ ଲୋକ ନିୟୋଜିତ କରିବାକୁ ନିର୍ଦ୍ଦେଶ ଦିଆଯାଇଥିଲା।
କାର୍ଯ୍ୟ ଗୁଣବତ୍ତା ଏବଂ ଠିକ୍ ସମୟରେ ସମାପ୍ତ ହେବା ସହିତ ପ୍ରତିଦିନ ମନ୍ଦିର ପରିଦର୍ଶନ କରୁଥିବା ହଜାର ହଜାର ଭକ୍ତଙ୍କୁ ସର୍ବୋତ୍ତମ ଅନୁଭୂତି ନିଶ୍ଚିତ କରିବାକୁ ପ୍ରଧାନ ଗୁରୁତ୍ୱ ।
ଜଗନ୍ନାଥ ବଲ୍ଲଭ ପାର୍କିଂ କେନ୍ଦ୍ର ଏବଂ ଶ୍ରୀ ସେତୁରେ କାର୍ଯ୍ୟର ଅଗ୍ରଗତି ପାର୍କିଂ ସୁବିଧା ଏବଂ ଭକ୍ତମାନଙ୍କ ପାଇଁ ମୌଳିକ ସୁବିଧା ଯୋଗାଇ ଦିଆଯିବା ସଂପର୍କରେ ସମୀକ୍ଷା କରାଯାଇଥିଲା।
ଶ୍ରୀ ସେତୁ କାର୍ଯ୍ୟ ନିର୍ମାଣ କରୁଥିବା ଏଜେନ୍ସି JBPC କୁ ଏହି ପ୍ରକଳ୍ପ ଠିକ ସମୟରେ ଶେଷ କରିବାକୁ ନିର୍ଦ୍ଦେଶ ଦିଆଯାଇଥିଲା। ଯାହାଫଳରେ ପୁରୀକୁ ଆସୁଥିବା ଭକ୍ତମାନେ ନୂଆ ବର୍ଷରୁ ଭଲ ଅନୁଭବ ପାଇପାରିବେ।
ପରିଦର୍ଶନ ସମୟରେ ପ୍ରିନ୍ସିପାଲ୍-ସେକ୍ରେଟାରୀ ୱାର୍କସ୍ ଡିପାର୍ଟମେଣ୍ଟ୍, ପୁରୀ ଜିଲ୍ଲାପାଳ, ଏସପି ପୁରୀ ଏମଡି ଓବିସିସି ଏବଂ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।
