ବଡ ଦୁର୍ଘଟଣାରୁ ବର୍ତ୍ତିଲା ଅନୁଗୁଳ ବସ, ମହାନଦୀ ବ୍ରିଜ ଭାଙ୍ଗି ଓହଳିଗଲା

ଭୁବନେଶ୍ବର: ଆଜି ଏକ ବଡ ଦୁର୍ଘଟଣାରୁ ରକ୍ଷା ମିଳିଛି। ଯାତ୍ରୀ ନେଇ ଯାଉଥିବା ଏକ ବସ ନିୟନ୍ତ୍ରଣ ହରାଇ ଏକ ବ୍ରିଜ ଭାଙ୍ଗି ଅଧା ଓହଳି ଗଲା। ଭାଗ୍ୟ ଭଲ ବସଟି ନଦୀ ଭିତରକୁ ଖସିପଡି ନାହିଁ। ବସର ଏପରି ଅବସ୍ଥା ଦେଖି ସ୍ଥାନୀୟ ଲୋକେ ବସରେ ଥିବା ଯାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ। ଘଟଣାରୁ ଜଣାପଡିଛି ଯେ, ଅନୁଗୁଳରୁ ଭୁବନେଶ୍ବର ଆସୁଥିବା ନିଗମ ବସଟି କଟକ ବାଙ୍କି ନିକଟସ୍ଥ ମହାନଦୀର ଜଟାମୁଣ୍ଡାଇ ବ୍ରିଜ ନିକଟରେ ନିୟନ୍ତ୍ରଣ ହରାଇଥିଲା। ଫଳରେ ବସଟି ବ୍ରିଜ ଭାଙ୍ଗି ନଦୀଆଡକୁ ଖସିବା ପରେ ଅବସ୍ଥାକୁ ଆସିଯାଇଥିଲା। ଏହି ଖବର ପାଇବାର ପରେ ଡମପଡା ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲା।