ଏଣିକି ଭୁବନେଶ୍ବରରେ ମିଳିବ ମାଗଣା ୱାଇଫାଇ, ୩୦ ଏମବିପିଏସ ସ୍ପିଡ୍

ଭୁବନେଶ୍ବର: ରାଜଧାନୀ ବାସିନ୍ଦାଙ୍କ ପାଇଁ ଏକ ଖୁସି ଖବର। ଏଣିକି ସେମାନେ ମାଗଣାରେ ପାଇପାରିବେ ୱାଇଫାଇ ସେବା। ୩୦ ଏମବିପିଏସ ସ୍ପିଡରେ ଏହି ମାଗଣା ୱାଇଫାଇ ଯୋଗାଇ ଦିଆଯିବ। ଭୁବନେଶ୍ବର ବାସିନ୍ଦା ଦିନକୁ ୫୦୦ ଏମବିପିଏସ ଦୈନିକ ଡାଉନଲୋଡ କରିପାରିବେ। ବର୍ତ୍ତମାନ ରାଜଧାନୀରେ ଏହି ମାଗଣା ୱାଇଫାଇ ସୁବିଧା ୫୦୦ଟି ସ୍ଥାନରେ ଲାଗୁ କରାଯିବ ବୋଲି ନିଷ୍ପତି ହୋଇଛି। ଏ ନେଇ ଭୁବନେଶ୍ବର ସ୍ମାର୍ଟ ସିଟି ଲିମିଟେଡ ବା ବିଏସସିଏଲ ତରଫରୁ ସୂଚନା ଦିଆଯାଇଛି। ଏଥିରେ କୁହାଯାଇଛି ଯେ, ଭୁବନେଶ୍ବରରେ ଖୁବ ଶିଘ୍ର ମାଗଣା ୱାଇଫାଇ ସଂଯୋଗ ପ୍ରଦାନ କରାଯିବ। ଏ ନେଇ ଭୁବନେଶ୍ବରର ବାସିନ୍ଦାଙ୍କ ଅପେକ୍ଷାର ଶେଷ ହେଲା।