ପୂର୍ବତନ ବିଧାୟକ ସନାତନ ମହାକୁଡଙ୍କ ଘରେ ଆଇଟି ରେଡ୍

ଭୁବନେଶ୍ବର: ଚମ୍ପୁଆର ପୂର୍ବତନ ବିଧାୟକ ସନାତନ ମହାକୁଡଙ୍କ ଘରେ ଆଜି ଇନକମ ଟାକ୍ସ ରେଡ ଚାଲିଛି। ତାଙ୍କର କେନ୍ଦୁଝର, ଚମ୍ପୁଆ ଏବଂ ଭୁବନେଶ୍ବର ଘରେ ରେଡ ଚାଲିଥିବାର ଜଣାପଡିଛି। ଏହି ରେଡରେ କୋଡିଏ ଜଣ ଲେଖାଏଁ ଅଫିସର ମୁତୟନ ହୋଇଛନ୍ତି। ଘର ବାହାରେ ବିଏସଏଫ ଯବାନ ମୁତୟନ ହୋଇଛନ୍ତି।ଆୟକର ଫାଙ୍କିବା ଅଭିଯୋଗରେ ଏହି ଚଢାଉ କରାଯାଇଛି। ଭୁବନେଶ୍ବରର ସହୀଦନଗରରେ ଥିବା ତାଙ୍କ ବାସଭବନରେ ଏହି ଚଢାଉ ଜାରୀ ରହିଛି। ସେହିପରି ତାଙ୍କର ଜଣେ ଅଧିକାରୀଙ୍କ ଘରେ ମଧ୍ୟ ରେଡ ହେଉଥିବାର ଜଣାପଡିଛି।