ବଡ଼ପଣ୍ଡା ଶତପଥୀଙ୍କ ଗୃହରେ ଦୁର୍ଗାପୂଜା

ଭୁବନେଶ୍ବର: ଖୋର୍ଦ୍ଧା ଜିଲ୍ଲା ଜଟଣୀ ରାମଚନ୍ଦ୍ରପୁର ବଡ଼ନୂଆଗାଁ ଶତପଥୀ ସାହିର ଦିବଂଗତ ନାଟ୍ୟକାର ନିର୍ଦ୍ଦେଶକ ବଡ଼ପଣ୍ଡା ବସନ୍ତ କୁମାର ଶତପଥୀଙ୍କ ଗୃହରେ ସପ୍ତମୀ ପୂଜା ଅନୁଷ୍ଠିତ ହୋଇଯାଇଛି l ତିନି ଦିନ ଧରି ଗୃହରେ ମା’ଙ୍କ ପୂଜାର୍ଚ୍ଚନା କରାଯିବା ସହିତ ପୋଥି ଓ ମା’ଙ୍କ ଅସ୍ତ୍ରଶସ୍ତ୍ର ପୂଜା କରାଯାଏ l ଗାଁ ଲୋକଙ୍କୁ ପ୍ରସାଦ ସେବନ କରିବା ପାଇଁ ଦିଆଯାଏ l ସମୟ ଅନୁସାରେ ଏବେ ପରିବର୍ତ୍ତନ ହୋଇଯାଇଛି l ବଡ଼ପଣ୍ଡା ଶତପଥୀ ପରିବାର ଲୋକେ ହିଁ ଯୋଗ ଦେଇଥାନ୍ତି l ଗୃହ ନିକଟସ୍ଥ ଦିବଂଗତ ବଡ଼ପଣ୍ଡା ଗୋପୀନାଥ ଶତପଥୀଙ୍କ ଦ୍ଵାରା ପ୍ରତିଷ୍ଠିତ ମନ୍ଦିରରୁ ମା’ଙ୍କ ବିଗ୍ରହ ମହାଲକ୍ଷ୍ମୀ,କନକ ଦୁର୍ଗା,ଉମାମାହେଶ୍ୱରୀ, ସରସ୍ବତୀଙ୍କୁ ମନ୍ଦିରରୁ ଆମନ୍ତ୍ରଣ କରାଯାଇ ଗୃହରେ ସପ୍ତମୀ ଠାରୁ ଦଶହରା ପର୍ଯ୍ୟନ୍ତ ପୂଜାର୍ଚ୍ଚନା କରାଯିବା ସହିତ ମହାଷ୍ଟମୀ ଦିନ ଚଣ୍ଡୀପାଠ ଓ ମାଛ ବଳି (ପୋଡା)ରୂପେ ଅର୍ପଣ କରାଯାଏ l ଆଜକୁ ପ୍ରାୟ ସତପୁରୁଷ ହେବ ଏ ପୂଜାର୍ଚ୍ଚନା ଚାଲିଆସୁଛି l ଦଶହରା ଦିନ ମା’ଙ୍କ ବିଗ୍ରହ ପୁନଃ ମନ୍ଦିରରେ ସଂସ୍ଥାପିତ କରାଯାଇଥାଏ l ଏ ପୂଜାରେ ମା’ଙ୍କ ଆଶୀର୍ବାଦ ଓ କୃପା ଲାଭ ପାଇବା ପାଇଁ ବଡ଼ପଣ୍ଡା ଶତପଥୀ ପରିବାରର ସମସ୍ତ ସଦସ୍ୟ ଏବଂ ଗୃହ ଠାରୁ ଦୂରରେ ଥିବା ସମସ୍ତ ପରିବାରର ସଦସ୍ୟ ଉପସ୍ଥିତ ଦେଖିବାକୁ ମିଳିଥାଏ l ଶନିବାର ମହାଷ୍ଟମୀ ପାଳନ ହୋଇଯାଇଛି l