ଗାନ୍ଧୀ ଓ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ତଳେ ବିଜେଡିର ବିକ୍ଷୋଭ

ଭୁବନେଶ୍ୱର: ମିଶନ ଶକ୍ତି ମହିଳାଙ୍କ ପ୍ରସଙ୍ଗକୁ ନେଇ ଆଜି ବିଧାନସଭା ଆରମ୍ଭରୁ ଗୃହ ଚଳାଇ ଦେଇନାହିଁ ବିଜେଡି । ଗୃହ ଆରମ୍ଭରୁ ବାଚସ୍ପତିଙ୍କ ପୋଡିୟମ ନିକଟକୁ ମାଡ଼ି ଆସିଥିଲେ ବିରୋଧୀ ବିଜେଡି ଓ କଂଗ୍ରେସ ବିଧାୟକ । ମହିଳାଙ୍କୁ ନ୍ୟାୟ ଦାବି ନେଇ ଉଭୟ ବିଜେଡି ଏବଂ କଂଗ୍ରେସ ସଦସ୍ୟଙ୍କ ପୋଡିୟମ ନିକଟରେ ନାରାବାଜି କରିଛନ୍ତି । ଫଳରେ ଅପରାହ୍ନ ୪ ଟା ଯାଏଁ ଗୃହ ମୁଲତବି ଘୋଷଣା କରିଛନ୍ତି ବାଚସ୍ପତି ସୁରମା ପାଢ଼ୀ । ପ୍ରତିବାଦରେ ଗାନ୍ଧୀ ଓ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ତଳେ ବିକ୍ଷୋଭ କରିଛି ବିଜେଡି । ବିଜେଡି ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ କହିଛନ୍ତି, ମିଶନ ଶକ୍ତି ମହିଳାଙ୍କୁ ଭ୍ରମିତ କରାଯାଉଛି । କେନ୍ଦ୍ର ସରକାର ୧୯୯୯ ମସିହା ଏପ୍ରିଲ ପହିଲାରୁ ଆରମ୍ଭ କରିଥିଲେ ସ୍ୱର୍ଣ୍ଣ ଜୟନ୍ତୀ ଗ୍ରାମ୍ୟ ସ୍ୱରୋଜଗାର ଯୋଜନା ଆରମ୍ଭ କଲେ । ସେତେବେଳେ ଅଙ୍ଗନଓ୍ବାଡି କର୍ମୀ ନିଜ କେନ୍ଦ୍ର ପରିସର ଅଞ୍ଚଳରେ ସ୍ୱୟଂ ସହାୟକ ଗୋଷ୍ଠୀ ଗଠନ କଲେ । ଗୋଟିଏ ସେକ୍ଟର ଅଞ୍ଚଳରେ ଯେତିକି ମହିଳା ସ୍ଵୟଂ ସହାୟକ ଗୋଷ୍ଠୀ ଗଠିତ ହୋଇଥିଲା, ସେହି ସମସ୍ତ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ବସାଇ ତାଙ୍କ ବୈଠକରେ ଅଙ୍ଗନୱାଡି କର୍ମୀ ଅଥବା ସହାୟିକା ଚୟନ ଭଳି ଇ.ସି ବା କାର୍ୟ୍ୟନିର୍ବାହୀ କମିଟି ସଦସ୍ୟ ବଛା ଯାଇ ବ୍ଳକ ସ୍ତରରେ ମହିଳା ସଶକ୍ତିକରଣର ଓ ଜୀବିକା ଅର୍ଜନ ପରିଚାଳନା ପାଇଁ ମହିଳା ମହାସଂଘକୁ କାର୍ୟ୍ୟଭାର ଦିଆଗଲା । ମାତ୍ର ଏମାନେ ନିର୍ବାଚିତ ଲୋକ ପ୍ରତିନିଧି ନୁହନ୍ତି ।ବିଜେପି ବୟାନ ଦେଇଛି, ଏମାନେ ବିଜେଡ଼ିର ରାଜନୀତି କରୁଥିଲେ । ଏମାନେ ବିଜେଡ଼ିର ରାଜନୀତି କରିଥିଲେ ବିଜେପି କ୍ଷମତାରେ ବସିବା ସମ୍ଭବ ହୋଇନଥାନ୍ତା । ତେଣୁ ୮ ମସିହାରୁ ଅଚଳ ଥୁବା ଗାଇଡ ଲାଇନକୁ ରାଜନୈତିକ ପ୍ରତିହିଂସା ପାଇଁ ମହିଳା ବିରୋଧୀ ମନୁବାଦୀ ବିଚାରର ଆକ୍ରମଣ ପାଇଁ ଏହି ଦେଢ ଲକ୍ଷ ମିଶନ ଶକ୍ତି ଇ.ସି. ମହିଳାଙ୍କୁ ହଟେଇବା ପରିବର୍ତ୍ତେ ଆହୁରି ସଶକ୍ତ କରାଯାଉ । ନହେଲେ ୩୧୪ ବ୍ଲକରେ ବିଜେଡି ପ୍ରତିବାଦ କରିବ ବୋଲି ସେ ଚେତାବନୀ ଦେଇଛନ୍ତି ।