ପୁଣି ଥରେ ଓଡିଶାରେ ସରକାର କରିବେ ନବୀନ ପଟ୍ଟନାୟକ

ଭୁବନେଶ୍ବର: ଓଡିଶାରେ ପୁଣି ଥରେ ନବୀନ ପଟ୍ଟନାୟକ ସରକାର କରିବ। ବହୁ ମତରେ ସେ ଏଥର ବିଧାନସଭାରେ ବିଜୟ ଲାଭ କରିବେ। ଏହିପରି ଏକ ସର୍ଭେ କରିଛି ଭାରତର ପ୍ରତିଷ୍ଠିତ ଜାତୀୟ ଗଣମାଧ୍ୟମ ସଂସ୍ଥା ଟାଇମସ ନାଓ। ଏହି ସଂସ୍ଥାର ସର୍ଭେ ଅନୁସାରେ ବିଜେଡି ପୂର୍ଣ୍ଣ ବହୁମତରୁ ଢେରେ ଆଗରେ ରହିଛି। ଫଳରେ ନବୀନ ପଟ୍ଟନାୟକ ଷଷ୍ଠ ଥର ମୁଖ୍ୟମନ୍ତ୍ରୀ ଆସନରେ ବସିବେ ବୋଲି ସ୍ପଷ୍ଟ ହୋଇଛି। ଏହି ସର୍ଭେ ଅନୁସାରେ ବିଜେଡି ଓଡିଶା ବିଧାନସଭାର ମୋଟ ୧୪୭ ଆସନରୁ ହାସଲ କରୁଛି ୧୦୦ ରୁ ୧୧୫ ଆସନ। ବର୍ତ୍ତମାନ ବିଜେଡିର ବିଧାନସଭାରେ ୧୧୩ ଜଣ ସଦସ୍ୟ ଅଛନ୍ତି। ତେଣୁ ଆକଳନ ଅନୁସାରେ ବିଜେଡିକୁ ସେହି ସମାନ ସଂଖ୍ୟା କିମ୍ବା ତାହାଠାରୁ ସାମାନ୍ୟ ଅଧିକା ଆସନ ମିଳୁଛି। ସେହିପରି ବିଜେପି ହାସଲ କରୁଛି ମାତ୍ର୩୦ ରୁ ୩୮ ଆସନ। ଅର୍ଥାତ ବର୍ତ୍ତମାନର ସଂଖ୍ୟାଠାରୁ ସାମନ୍ୟ ଅଧିକ। ତେବେ ଏହି ସର୍ଭେ ଅନୁସାରେ କଂଗ୍ରେସର ହାଲତ ପୁରା ଖରାପ ହୋଇଯାଇଛି। ବର୍ତ୍ତମାନ କଂଗ୍ରେସର ୯ ଜଣ ସଦସ୍ୟ ରହିଥିବା ବେଳେ ଏଥର ମିଳିଛି ୧ ରୁ ୨ଟି ଆସନ। ଯାହା ରାଜ୍ୟରେ କଂଗ୍ରେସର ମୁଳପୋଛ ସ୍ଥିତି ଆସିଛି ବୋଲି କହିବାକୁ ହେବ।