କୁଶ ବିନା ଅସମ୍ପୂର୍ଣ୍ଣ ପୂଜା-ପାଠ

ଶାସ୍ତ୍ର ଅନୁସାରେ ସବୁ ପ୍ରକାର ଧର୍ମ କର୍ମରେ ହାତରେ କୁଶ ବଟୁ ପିନ୍ଧିବା ଜରୁରି । କୁଶ ହେଉଛି ଏକ ବିଶେଷ ପ୍ରକାର ଘାସ ଯାହାକି ଖୁବ୍ ପବିତ୍ର । କୁଶର ଉପଯୋଗ ଘରେ ପୂଜା ଯଜ୍ଞ ତଥା ଶ୍ରାଦ୍ଧ କର୍ମରେ କରାଯାଏ । ମାନ୍ୟତା ଅଛି, କୁଶ ଅଗ୍ରଭାଗରେ ବ୍ରହ୍ମା, ମଧ୍ୟଭାଗରେ ବିଷ୍ଣୁ ଏବଂ ଶେଷ ଭାଗରେ ଭଗବାନ ଶିବ ନିବାସ କରନ୍ତି । ତେବେ ପୂଜା ତଥା ଶ୍ରାଦ୍ଧ କର୍ମରେ ଦୁଇ ହାତର ଅନାମିକା ଅଙ୍ଗୁଳିରେ କୁଶ ବଟୁ ପିନ୍ଧିବା ଉଚିତ । ମାନ୍ୟତା ଅଛି, କୁଶ ବଟୁ ବିନା ପୂଜା ପାଠ ଅସମ୍ପୂର୍ଣ୍ଣ ହୋଇଥାଏ । କୁଶ ବଟୁ ପିନ୍ଧି ପିଣ୍ଡଦାନ କରିବା ଦ୍ୱାରା ପିତୃପୁରୁଷଙ୍କ ଆତ୍ମାକୁ ଶାନ୍ତି ମିଳିଥାଏ । ସେହିପରି କୁଶର ଉପଯୋଗ ଦ୍ୱାରା ଶରୀରକୁ ସକାରାତ୍ମକ ଶକ୍ତି ମିଳେ । ଅନ୍ୟପଟେ କୁଶ ଆସନରେ ବସି ପୂଜା-ପାଠ ତଥା ଧ୍ୟାନ କରିବା ଦ୍ୱାରା ଶରୀରରୁ ସକାରାତ୍ମକ ଶକ୍ତି ନିର୍ଗତ ହୁଏ ।