ପୁଣି ଦକ୍ଷିଣ ଆଫ୍ରିକାକୁ ଝଟକା ଦେଲା ଭାରତ: ଅଣ୍ଡର-୧୯ ଟି-୨୦ ବିଶ୍ୱକପରେ ବିଶ୍ଵ ବିଜେତା ହେଲା ଟିମ୍ ଇଣ୍ଡିଆ
ନୂଆଦିଲ୍ଲୀ: ମହିଳା ଅଣ୍ଡର -୧୯ ବିଶ୍ୱକପ ୨୦୨୫ରେ ଦକ୍ଷିଣ ଆଫ୍ରିକାକୁ ପରାସ୍ତ କରି ଟିମ୍ ଇଣ୍ଡିଆ ଟାଇଟଲ୍ ଜିତିଛି। ଏହି ବିଜୟ ପରେ ଭାରତୀୟ ଖେଳାଳିମାନେ ଜୋରଦାର ବିଜୟ ଉତ୍ସବ ପାଳନ କରିଛନ୍ତି। ମହିଳା ଅଣ୍ଡର -୧୯ ଟି -୨୦ ବିଶ୍ୱକପ୍ର ଫାଇନାଲ ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିଲା। ଟିମ୍ ଇଣ୍ଡିଆ ଫାଇନାଲ ମ୍ୟାଚ୍ ୯ ୱିକେଟ୍ ରେ ଜିତି ଟାଇଟଲ୍ ହାସଲ କରିଛି। ଟାଇଟଲ୍ ମ୍ୟାଚ୍ ଜିତିବା ପରେ ଟିମ୍ ଇଣ୍ଡିଆର ଖେଳାଳିମାନେ ବିଜୟ ଉତ୍ସବରେ ବୁଡି ଯାଇଥିବାର ନଜର ଆସିଥିଲେ। ଉତ୍ସବ ପାଳନ କରୁଥିବା ଭାରତୀୟ ଖେଳାଳିଙ୍କ ଚିତ୍ର ସୋସିଆଲ ମିଡିଆରେ ଆଇସିସି ମାଧ୍ୟମରେ ସେୟାର କରାଯାଇଥିଲା। ଉତ୍ସବର ପରିବେଶରେ କିଛି ଖେଳାଳିଙ୍କ ଆଖିରେ ଲୁହ ମଧ୍ୟ ଦେଖାଯାଇଥିଲା। ଉଲ୍ଲେଖ ଯୋଗ୍ୟ ଯେ, ଟାଇଟଲ୍ ମ୍ୟାଚରେ ଟିମ୍ ଇଣ୍ଡିଆ ଏକପାଖିଆ ଜିତିଛି। ଦକ୍ଷିଣ ଆଫ୍ରିକା ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା, ଯାହା ସେମାନଙ୍କ ପାଇଁ ଆଦୌ ଠିକ୍ ପ୍ରମାଣିତ ହୋଇନଥିଲା। ପ୍ରଥମେ ବ୍ୟାଟିଂ କରିବାକୁ ଆସିଥିବା ଆଫ୍ରିକୀୟ ଦଳ ୨୦ ଓଭରରେ ମାତ୍ର ୮୨/୧୦ ରନ୍ ସଂଗ୍ରହ କରିଥିଲା। ଜବାବରେ ଟିମ୍ ଇଣ୍ଡିଆ ୧୧.୨ ଓଭରରେ ଗୋଟିଏ ୱିକେଟ ହରାଇ ୮୪ ରନ୍ ସ୍କୋର କରି ମ୍ୟାଚ ଜିତିଥିଲା।
