ପ୍ରବୋଧଙ୍କ କ୍ୱାର୍ଟର୍ସରୁ ଚୋରି
ଭୁବନେଶ୍ୱର : ଭାରତୀୟ ହକି ଟିମ୍ର ପୂର୍ବତନ କ୍ୟାପ୍ଟେନ ପ୍ରବୋଧ ତିର୍କୀଙ୍କ ଭୁବନେଶ୍ୱରସ୍ଥିତ ସରକାରୀ ବାସଭବନରୁ ଗତକାଲି ରାତିରେ ଚୋରି ହୋଇଯାଇଛି । ପ୍ରବୋଧ ବିଶ୍ୱକପ୍ ହକି ମ୍ୟାଚ ଦେଖିବାକୁ ରାଉଲକେଲା ଯାଇଥିଲା ବେଳେ ତାଙ୍କ ଘରୁ ଦୁବୃତ୍ତମାନେ କଳାକନା ବୁଲାଇ ଦେଇଛନ୍ତି । ତାଙ୍କ ଜୀବନଭରା ପରିଶ୍ରମ କରି ଉପାର୍ଜନ କରିଥିବା ପଦକ ସମେତ ବହୁମୁଲ୍ୟବାନ ସାମଗ୍ରୀ ଚୋରି ହୋଇଛି । ଏନେଇ କ୍ୟାପିଟାଲ ଥାନାରେ ଲିଖିତ ଅଭିଯୋଗ ହୋଇଛି । ପୁଲିସ ଏକ ମାମଲା ରୁଜୁ କରି ଏହାର ତଦନ୍ତ ଚଳାଇଛି । ମିଳିଥିବା ସୂଚନା ମୁତାବକ, ପ୍ରବୋଧ ତାଙ୍କ ପରିବାର ଲୋକ ସହ ଭୁବନେଶ୍ୱର ୟୁନିଟ-୬ ଭିଆର-୮୬ କ୍ୱାଟର୍ସରେ ରହୁନ୍ତି । ସେ ତାଙ୍କ ପତ୍ନୀଙ୍କ ସହ ଖେଳ ଦେଖିବାକୁ ରାଉଲକେଲ ଯାଇଥିଲେ । ଘଟଣାଦିନ ତାଙ୍କ ବାପାମା ମଧ୍ୟ ଏକ କାମରେ ବାହାରକୁ ଯାଇଥିଲେ । ଘରର ଚାବି କେୟାରଟେକରଙ୍କ ପାଖରେ ଥିଲା । ହେଲେ ଶୁକ୍ରବାର ରାତିରେ ଦୁର୍ବୁତମାନେ ତାଲା ଭାଙ୍ଗି ଘରେ ପଶିଥିଲେ । ଆଜି ସକାଳୁ କେୟାରଟେକର ଆସି ଦେଖିଲାବେଳକୁ ଘରର ତାଲା ଭଙ୍ଗାଯାଇଛି । ଏନେଇ ସେ ପରିବାର ଲୋକଙ୍କୁ ଜଣାଇଥିଲା । ପରିବାର ଲୋକେ ପୁଲିସକୁ ଖବର ଦେବାରୁ ପୁଲିସ ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଏ ସମ୍ପର୍କରେ ଡିସିପି ପ୍ରତୀକ୍ ସିଂ କହିଛନ୍ତି ପୁଲିସ ତଦନ୍ତ ଜାରି ରଖିଛି । ତେବେ ପ୍ରାରମ୍ଭିକ ଅନୁସନ୍ଧାନରୁ ଜଣାପଡିଛି ଚୋର ସେଭଳି ପ୍ରଫେସନାଲ ନୁହେଁ । ଖୁବ୍ ଶୀଘ୍ର ପୁଲିସ ଚୋରକୁ ଧରିନେବ । ଅନ୍ୟପକ୍ଷରେ ପ୍ରବୋଧଙ୍କ ଘରୁ ଚୋରୀ ହେବା ଘଟଣାକୁ ରାଜଧାନୀବାସୀ ସହଜରେ ଗ୍ରହଣ କରି ପାରୁ ନାହାନ୍ତି । ହକିକୁ ଦୃଷ୍ଟିରେ ରଖି ରାଜଧାନୀ ପୁଲିସ ଛାଉଣି ହୋଇଛି । ଗଳିକନ୍ଦିରେ ପୁଲିସକର୍ମୀଙ୍କୁ ଦେଖିବାକୁ ମିଳୁଛି । ରାଜଧାନୀରେ ପ୍ରାୟ ୭୦ ପ୍ଲାଟୁନ୍ ଫୋର୍ସ ମୃତୟନ ହୋଇଛି । ଏହା ସହ ୟୁନିଟ-୬ ଏକ ହାଇସିକ୍ୟୁରିଟି ଜୋନ୍ ହୋଇଥିଲା ବେଳେ ଏଠାରୁ କିଭଳି ଚୋରୀ ହେଲା ତାହାକୁ ନେଇ ପୁଲିସର ସୁରକ୍ଷା ବ୍ୟବସ୍ଥା ଉପରେ ବଡ ପ୍ରଶ୍ନବାଚୀ ସୃଷ୍ଟି ହୋଇଛି । ଏଠାରେ ସୂଚନାଯୋଗ୍ୟ, ପ୍ରବୋଧଙ୍କ ଘର ସୁନ୍ଦରଗଡରେ ଜିଲାରେ ଲୁଲକିଡିହି ଗ୍ରାମରେ । ତିର୍କୀ ୨୦୦୦ ମସିହାରେ ଜୁନିୟର ଏସିଆ କପ୍ ହକିରୁ ଡେଭ୍ୟୁ କରିଥିଲେ । ତିର୍କୀଙ୍କ ନେତୃତ୍ୟୁରେ ଭାରତ ଏସିଆ କପ୍ରେ ସୌର୍ଣ୍ଣ ଜିତିଥିଲ । ସିସିଟିଭି ନାହିଁ, ତଦନ୍ତରେ ବାଧକ ପୁଲିସ ତଦନ୍ତରୁ ଜଣାପଡିଛି ଏହା କୌଣସି ସ୍ଥାନୀୟ ଚୋରର କାମ । ଯେ କି ପ୍ରଫେସନାର ଚୋର ନୁହେଁ । ତାଙ୍କ ସମ୍ପର୍କରେ ଜାଣିଥିବା କିମ୍ବା ଖବର ରଖିଥିବା ବ୍ୟକ୍ତି ହିଁ ଏଭଳି କାଣ୍ଡ ଘଟାଇଛି । ତେଣୁ ପୁଲିସ ଆସୁ ଆସୁ ସିସିଟିଭି ଫୁଟେଜ ଖୋଜୁଥିଲା । ହେଲେ ପ୍ରବୋଧଙ୍କ ଘରେ ସିସିଟିଭି କ୍ୟାମେରା ନାହିଁ । ତେଣୁ ତଦନ୍ତରେ ବାଧକ ସାଜିବା ସହ ବିଳମ୍ବ ହେବାର ସମ୍ଭାବନା ରହିଛି । ସିସିଟିଭି ଥିଲେ ଚୋର ଅତିଶୀଘ୍ର ଧରାପଡିଥାନ୍ତା ବୋଲି ଜଣେ ପୁଲିସ ଅଧିକାରୀ କହିଛନ୍ତି ।
