ଋଷର ସର୍ବୋଚ୍ଚ ଶୃଙ୍ଗରେ ତ୍ରିରଙ୍ଗା ଉଡାଇଲେ ଓଡିଆ ପୁଅ
ଭୁବନେଶ୍ୱର: ୟୁରୋପ ଓ ଋଷର ସର୍ବୋଚ୍ଚ ଶୃଙ୍ଗ ଏଲବ୍ରସ୍ ଶିଖର ଆରୋହଣ କରିଛନ୍ତି ଓଡିଆ ପୁଅ ସୌଭାଗ୍ୟ କୁମାର ରଥ। ପ୍ରବଳ ଝଡ ତୋଫାନ ସତ୍ତ୍ବେ ଶିଖରରେ ପହଞ୍ଚି ତ୍ରିରଙ୍ଗା ଉଡାଇଛନ୍ତି ସୌଭାଗ୍ୟ ।ୟୁରୋପ୍ ଓ ରୁଷ୍ର ସର୍ବୋଚ୍ଚ ଶୃଙ୍ଗ ୧୮ହଜାର ୫୧୦ ଫୁଟ ଉଚ୍ଚ ମାଉଣ୍ଟ୍ ଏଲ୍ବ୍ରସ୍ ଆରୋହଣ କରିବାକୁ ସେ ଗତ ସପ୍ତାହରୁ ଯାତ୍ରା ଆରମ୍ଭ କରିଥିଲେ। ନୟାଗଡ଼ ଜିଲ୍ଲାର ବାସିନ୍ଦା ସୌଭାଗ୍ୟ ଗତ ୫ ତାରିଖରେ ଦିଲ୍ଲୀରୁ ମସ୍କୋ ଯାଇଥିଲେ। ଗତ ୮ ତାରିଖରେ ସେଏଲବ୍ରସ ପର୍ବତ ଅଭିମୁଖେ ଯାତ୍ରା ଆରମ୍ଭ କରିଥିଲେ।ଚାରି ରୁଷୀୟ ପର୍ବତାରୋହୀ, ଦୁଇ ଜଣ ଭାରତୀୟ ପର୍ବତାରୋହୀ ଏବଂ ତିନିଜଣ ପ୍ରଶିକ୍ଷକଙ୍କୁ ନେଇ ଏକ ଟିମ୍ ପ୍ରବଳ ତୁଷାରପାତ ଏବଂ ଅତ୍ୟଧିକ ଥଣ୍ଡା ସତ୍ତ୍ବେ ଏଲବ୍ରସ୍ ଶିଖରରେ ପହଞ୍ଚିଥିଲେ।
