ପରୀକ୍ଷା ସମୟରେ ଚାପ ମୁକ୍ତ ପାଇଁ ଟେଲିଫୋନ ନମ୍ବର ଜାରି

ଭୁବନେଶ୍ବର: ବର୍ତ୍ତମାନ ପରୀକ୍ଷା ଋତୁ ଚାଲିଛି। ବିଭିନ୍ନ ପରୀକ୍ଷା ବର୍ତ୍ତମାନ ଚାଲିଛି। ତେବେ ସବୁଠାରୁ ବଡ ପରୀକ୍ଷା ହେଉଛି ମାଟ୍ରିକ ପରୀକ୍ଷା। ଏହି ପରୀକ୍ଷା ପାଇଁ ଛାତ୍ରଛାତ୍ରୀ ତଥା ଅଭିଭାବକମାନେ ବେଶ ଚାପଗସ୍ତ ହୋଇଥାନ୍ତି। ଏପରିକି କେତେକ ଶିକ୍ଷାର୍ଥୀ ମାନସିକ ଭାରସାମ୍ୟ ମଧ୍ୟ ହରାଇ ପକାନ୍ତି। ତେବେ ଏହି ଚାପରୁ ମୁକ୍ତ କରିବା ପାଇଁ ରାଜ୍ୟ ସ୍କୁଲ ଓ ଗଣିଶିକ୍ଷା ବିଭାଗ ଏକ ଅଭିନବ ପଦକ୍ଷେପ ଆରମ୍ଭ କରିଛି। ଯାହାର ନାମ ହେଉଛି ଟେଲି ମାନସ। ଅର୍ଥାତ ଛାତ୍ରଛାତ୍ରୀ କିମ୍ବା ଅଭିବାକମାନେ 14416 କୁ ଫୋନ କରି ପରାମର୍ଶ ନେଇପାରିବେ। ସେଠାରେ ବସିଥିବା ବିଶେଷଜ୍ଞମାନେ କିପରି ସହଜରେ ଛାତ୍ରାଛାତ୍ରୀ ପରୀକ୍ଷା ଦେବେ ତାହାର ଟିପ୍ସ ଦେବେ।