ଇନ୍ଦ୍ରାବତୀ ନଦୀରୁ ଦୁଇଟି ମହାଶିର ପ୍ରଜାତିର ମାଛ ଆବିଷ୍କୃତ

ଭୁବନେଶ୍ଵର: ଓଡିଶା କେନ୍ଦ୍ରୀୟ ବିଶ୍ବବିଦ୍ୟାଳୟର ଜୈବ ବିବିଧତା ଏବଂ ପ୍ରାକୃତିକ ସମ୍ପଦ ସଂରକ୍ଷଣ ବିଭାଗର ଗବେଷକମାନେ ଦକ୍ଷିଣ ଓଡିଶାର ଇନ୍ଦ୍ରାବତୀ ନଦୀରୁ ଦୁଇଟି ମହାଶିର ପ୍ରଜାତିର ମାଛ ଆବିଷ୍କାର କରିଛନ୍ତି। ଏହି ମାଛ ସାୟପ୍ରିନୟଡ୍ ପ୍ରଜାତିର ଏବଂ ଏମାନଙ୍କ ଶରୀର ଅପେକ୍ଷାକୃତ ବଡ। ଏମାନଙ୍କ ଦେହର କାତି ମଧ୍ୟ ବଡ ବଡ। ସାଧାରଣତଃ ଏହି ମାଛମାନଙ୍କୁ ଭାରତୀୟ ନଦୀର ରାଜା କୁହାଯାଏ। ଏମାନେ ବିଶ୍ବର ୨୦ଟି ବୃହତ ମାଛ ପରିବାରର ସଦସ୍ୟ। ପ୍ରଫେସର ଶରତ କୁମାର ପଲିତାଙ୍କ ନେତୃତ୍ବରେ ଗବେଷକ ଦଳ ଏହି ମାଛର ସନ୍ଧାନ ପାଇଛନ୍ତି।