ନୂଆବର୍ଷରେ ମହାପ୍ରଭୁଙ୍କୁ ଦର୍ଶନ କଲେ ଲକ୍ଷାଧିକ ଭକ୍ତ
ଭୁବନେଶ୍ବର: ୨୦୨୫ ର ପ୍ରଥମ ଦିନରେ ପୁରୀ ଶ୍ରୀକ୍ଷେତ୍ରରେ ପ୍ରବଳ ଭିଡ଼ ପରିଲକ୍ଷିତ ହୋଇଛି। ନୂତନ ବର୍ଷରେ ମହାପ୍ରଭୁଙ୍କ ଦର୍ଶନ କରିବା ସହ ବର୍ଷ ସୁଖ ସମୃଧି ଓ ମଙ୍ଗଳମୟ ହେବା ନେଇ ଲକ୍ଷାଧିକ ଭକ୍ତ ପ୍ରାଥନା କରିଛନ୍ତି। ଲକ୍ଷାଧିକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସ୍ୱତ୍ରନ୍ତ ବ୍ୟବସ୍ଥା ଗ୍ରହଣ କରାଯାଇଥିବାବେଳେ ଶୃଙ୍ଖଳିତ ନୀତି କାନ୍ତି ହୋଇଥିବା ହେତୁ ଅସଂଖ୍ୟ ଶ୍ରଦ୍ଧାଳୁଙ୍କ ଭିଡ଼ ନଜରକୁ ଆସିଛି। ମହାପ୍ରଭୁ ଙ୍କୁ ଟିକେ ଦେଖିବାକୁ ବ୍ୟାକୁଳ ହୋଇ ଭକ୍ତ ମାନେ ବାରିକେଡ଼ କୁ ଠେଲି ଶ୍ରୀ ମନ୍ଦିର କୁ ପ୍ରବେଶ କରିଥିବା ଦେଖିବାକୁ ମିଳିଛି। ବର୍ଷର ପ୍ରଥମ ଦିନରେ ମହୋଦଧିରେ ସୂର୍ଯ୍ୟୋଦୟ ସହ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରି ତାଙ୍କ ଆଶିଷ ନେବା ପାଇଁ ପୁରୀକୁ ଛୁଟିଥିଲା ଲକ୍ଷ ଲକ୍ଷ ଭକ୍ତଙ୍କ ସୁଅ। ଗତକାଲି ରାତି ୧୨ ଟା ୩୫ରେ ଶ୍ରୀମନ୍ଦିର ଦ୍ୱାର ଫିଟିବା ପରେ ନୀତିକାନ୍ତି ସହ ଆରମ୍ଭ ହୋଇଥଲା ଦର୍ଶନ। ବଡ଼ଦାଣ୍ଡରୁ ମାର୍କେଟ ଛକ ଠାରୁ ସିଂହଦ୍ୱାର ପର୍ଯ୍ୟନ୍ତ ନିର୍ମିତ ସ୍ୱତ୍ରନ୍ତ୍ର ବ୍ୟାରିଗେଡ଼ରେ ଭକ୍ତଙ୍କ ଲାଗିଥିଲା ଭିଡ଼। ସେହିପରି ଶ୍ରୀମନ୍ଦିରର ସିଂହଦ୍ୱାରକୁ ବିଭିନ୍ନ ଫୁଲରେ ସଜାଯାଇଥିବା ବେଳେ ମହାପ୍ରଭୁଙ୍କ ଦର୍ଶନ ନେଇ ଏକ ମୁଖି ବ୍ୟବସ୍ଥା ଗ୍ରହଣ କରାଯାଇଥିଲା। ଭକ୍ତ ଶ୍ରଦ୍ଧାଳୁ ମାନେ ଶୃଙ୍ଖଳିତ ଦର୍ଶନ ପାଇଁ ପ୍ରାୟ ୬୦ ପ୍ଲାଟୁନ ପୋଲିସ ଫୋର୍ସରୁ ଅଧିକ ନିୟୋଜିତ ହୋଇଥିବାବେଳେ କଡା ସୁରକ୍ଷା ମଧ୍ୟରେ ଭିଡ଼ ନିୟନ୍ତ୍ରଣ ପାଇଁ ପୋଲିସ ପକ୍ଷରୁ ଧ୍ୟାନ ଦିଆଯାଇଥିଲା। ଶ୍ରୀମନ୍ଦିରରେ ନୀତି କାନ୍ତି ଙ୍କୁ ଶୃଙ୍ଖଳିତ କରାଯାଇଥିବାବେଳେ ମହାପ୍ରଭୁଙ୍କ ଦର୍ଶନରୁ ଯେଭଳି କୌଣସି ଭକ୍ତ ବଞ୍ଚିତ ନହେବେ ତାହା ଉପରେ ସ୍ୱତ୍ରନ୍ତ୍ର ଧ୍ୟାନ ଦିଆଯାଇଥିଲା। ଈଂରାଜି ନୂଆବର୍ଷର ପ୍ରଥମ ଦିନରେ ଜଗା ଦର୍ଶନ କରି ସମସ୍ତ ଙ୍କ ଶୁଭ ମାନସିବା ଲକ୍ଷରେ ଦୂର ଦୁରାନ୍ତରୁ ଭକ୍ତଙ୍କ ସୁଅ ଛୁଟିଥିଲା। ନବ ବର୍ଷ ର ଆଜି ପ୍ରଥମ ଦିନ ରେ ମହାପ୍ରଭୁଙ୍କ ସ୍ମରଣ କରି ଶ୍ରଦ୍ଧାଳୁ ମାନେ ବର୍ଷର ଆରମ୍ଭ କରିଛନ୍ତି। କାଳିଆ ଦର୍ଶନ ପାଇଁ ବିଳମ୍ବିତ ରାତିରୁ ଲକ୍ଷ ଲକ୍ଷ ଭକ୍ତଙ୍କ ସୁଅ ଛୁଟିଥିବାବେଳେ ମହାବାହୁଙ୍କୁ ଦର୍ଶନ କରି ଆତ୍ମତୃପ୍ତି ମିଳିଥିବା ଭକ୍ତ ମତ ରଖିଥିଲେ। ସେହିପରି ପ୍ରଥମ ଦିନରୁ ସୂର୍ଯ୍ୟଉଦୟ ଦର୍ଶନ ସହ ସକାଳ ଶକ୍ତିର ଆଧାର ସୂର୍ଯ୍ୟ ଦେବତାଙ୍କୁ ମହୋଦଧି ରେ ଦର୍ଶନ ପାଇଁ ମଧ୍ୟ ପ୍ରବଳ ଜନସାମାଗମ ହୋଇଥିବା ନଜରକୁ ଆସିଥିଲା। ଶ୍ରୀଜୀୟୁଙ୍କୁ ଦର୍ଶନ ପାଇଁ ପ୍ରବଳ ଭିଡ଼ ହୋଇଥିବାବେଳେ ସିଂହଦ୍ୱାର ସମ୍ମୁଖରେ ଅନେକ ଅମାନିଆ ଭକ୍ତ ବିଶୃଙ୍ଖଳା ସୃଷ୍ଟି କରି ବ୍ୟାରିଗେଡ଼ ଓ ପୋଲିସକୁ ଠେଲି ପ୍ରବେଶ କରିଥିବା ଦେଖିବାକୁ ମିଳିଥିଲା।
