ଦୂତୀଙ୍କୁ ହୋଇଥିଲା କ୍ୟାନସର

ଭୁବନେଶ୍ୱର: ଓଡ଼ିଆ ଧାବିକା ଦୂତି ଚାନ୍ଦଙ୍କୁ ହୋଇଥିଲା କ୍ୟାନସର । ୪ ବର୍ଷ ପାଇଁ ବାସନ୍ଦ ହେବା ପରେ ତାଙ୍କୁ କ୍ୟାନସର ହୋଇଥିବା କହିଛନ୍ତି ଦୂତୀ । ତାଙ୍କ କହିବା ଅନୁସାରେ ୨୦୨୧ରେ ତାଙ୍କ ଜଙ୍ଘ ମାଂସପେଶୀରେ ଯନ୍ତ୍ରଣା ଅନୁଭବ କରିଥିଲେ । ଟୋକିଓ ଅଲିମ୍ପିକ୍ସ ପୂର୍ବରୁ ଜାତୀୟ ଅନ୍ତଃରାଜ୍ୟ ପ୍ରତିଯୋଗିତାରେ ତାଙ୍କୁ ଏହି ଯନ୍ତ୍ରଣା ହୋଇଥିଲା । ଯନ୍ତ୍ରଣା ସହ ଅଲିମ୍ପିକ୍ସ ଚାଲି ଯାଇଥିବାରୁ ତାଙ୍କର ପ୍ରଦର୍ଶନ ଭଲ ହୋଇନଥିଲା । ଟୋକିଓରୁ ଆସିବା ପରେ ଯନ୍ତ୍ରଣା ବଢିଯାଇଥିଲା । ଅଲଟ୍ରାସାଉଣ୍ଡରୁ କିଛି ଜଣାନପଡ଼ିବା ପରେ ଏମଆରଆଇରେ କର୍କଟ ଆକ୍ରାନ୍ତ ହୋଇଥିବା ଧରାପଡ଼ିଥିଲା ବୋଲି କହିଛନ୍ତି ଦୂତି ଚାନ୍ଦ । ଡାକ୍ତରଙ୍କ ପରାମର୍ଶ ପରେ ତାଙ୍କୁ ଷ୍ଟେଜ୍-୧ କର୍କଟ ହୋଇଥିବା ଜଣାପଡ଼ିଥିବା କହିଛନ୍ତି ଓଡ଼ିଆ ଧାବିକା ଦୂତି ଚାନ୍ଦ ।
କ୍ୟାନସର ହୋଇଥିବା ଜାଣିବା ପରେ ପ୍ରଥମରୁ ହିଁ ଦୂତୀଙ୍କର ଚିକିତ୍ସା ହୋଇଥିଲା । ତେବେ କର୍କଟ ରୋଗ କୌଣସି ଟିସୁଙ୍କୁ ବ୍ୟାପିନଥିବା କହିଛନ୍ତି ଦୂତୀ । ଚିକିତ୍ସା ସମୟରେ ଡାକ୍ତର ତାଙ୍କୁ ଖେଳ ଛାଡିଦେବାକୁ ପରାମର୍ଶ ଦେଇଥିଲେ । କିନ୍ତୁ କିଛି ଔଷଧ ଖାଇବା ପରେ ଯନ୍ତ୍ରଣା କମ ହୋଇଥିଲା । ନିୟମିତ ଚିକିତ୍ସା ପରେ ରୋଗରୁ ଉପଶମ ମିଳିଥିବା କହିଛନ୍ତି ଦୂତୀ । ଏହାପରେ ନାଡା ତାଙ୍କ ଠାରୁ ନମୁନା ସଂଗ୍ରହ କରିଥିଲା । ଏଥିରେ ରିପୋର୍ଟ ପଜିଟିଭ ଆସିଥିବା କହିଛନ୍ତି ଦୂତୀ ।

ଦୂତି ଚାନ୍ଦ ଦୌଡ଼କୁଦରୁ ୪ ବର୍ଷ ବାସନ୍ଦ ହୋଇଛନ୍ତି। ଡୋପିଙ୍ଗ୍‌ ବା ନିଷିଦ୍ଧ ଔଷଧ ସେବନ ଅପରାଧ ଯୋଗୁଁ ଦୂତିଙ୍କୁ ବାସନ୍ଦ କରାଯାଇଛି। ଚଳିତବର୍ଷ ଜାନୁଆରୀ ୩ ତାରିଖରୁ ୪ ବର୍ଷ ଲାଗି ଏହି ବାସନ୍ଦାଦେଶ ଲାଗୁହେବ ବୋଲି ଡ୍ରଗ୍‌ସ ନିରୋଧ ଶୃଙ୍ଖଳା ପ୍ୟାନେଲ (ଏଡିଡିପି)ର ଅଧ୍ୟକ୍ଷ ଚୈତନ୍ୟ ମହାଜନ ଘୋଷଣା କରିଛନ୍ତି। ଏବେ ଡ୍ରଗ୍ ନିରୋଧ ଅପିଲ ପ୍ୟାନେଲ (ଏଡିଏପି) ନିକଟରେ ତାଙ୍କ ବାସନ୍ଦ ବିରୋଧରେ ଆବେଦନ କରିବା ଲାଗି ଦୂତିଙ୍କ ପାଖରେ ୨୧ ଦିନ ସମୟ ରହିଛି।ଏ ନେଇ ଦୂତି ଚାନ୍ଦ କହିଛନ୍ତି ଯେ,୨୦୨୩ ଜାନୁଆରୀ ୩ରେ ମୋ ନିକଟକୁ ନାଡା ପକ୍ଷରୁ ଯେଉଁ ଚିଠି ଆସିଥିଲା ଏଥିରେ ୪ବର୍ଷ ବାସନ୍ଦ ନେଇ ଉଲ୍ଲେଖ କରାଯାଇଥିଲା। କେଉଁ କାରଣ ପାଇଁ ଉକ୍ତ ଔଷଧ ସେବନ କରିଥିଲ ବୋଲି ଉକ୍ତ ଚିଠିଲେ ଉଲ୍ଲେଖ କରାଯାଇଥିଲା। ବାସନ୍ଦ ବିରୁର୍ଦ୍ଧରେ ମୁଁ ନାଡାରେ ଆବେଦନ କରିଥିଲି। ଏବେ ଉକ୍ତ ବାସନ୍ଦାଦେଶକୁ କାଏମ ରଖାଯାଇଛି। ବାସନ୍ଦ ବିରୁଦ୍ଧରେ ୨୧ ଦିନ ମଧ୍ୟରେ ଆବେଦନ କରିବାର ସମୟ ରଖାଯାଇଛି। ମୁଁ ଓକିଲିଙ୍କ ସହ ପରାମର୍ଶ କରିଛି। ଏହା ଉପରେ ମୁଁ ଆବେଦନ କରିବି। ବାସନ୍ଦ କୋହଳ କରିବା ନେଇ ନାଡା କୋର୍ଟରେ ପୁନଃ ଆବେଦନ କରିବି। ଏଥିରେ କିଛି ସୁଫଳ ନମିଳିଲେ ସ୍ବିଜରଲାଣ୍ଡର କୋର୍ଟ ଅଫ ଆର୍ବିଟେସନ ଫର ସ୍ପୋର୍ଟସ(କ୍ୟାସ)ର ଦ୍ବାରସ୍ଥ ହେବି ବୋଲି ଦୂତି କହିଛନ୍ତି।