କଟକଣା ଲଗାଇଲା ବିଏମସି, ଖଣ୍ଡଗିରିରେ ହୋଇପାରିବନି ଅଶ୍ଳୀଳ ନାଚ

ଭୁବନେଶ୍ୱର:  ଏଥର ଖଣ୍ଡଗିରିରେ ହୋଇପାରିବନି ଅଶ୍ଳୀଳ ନାଚ । କଟକଣା ଲଗାଇଲା ବିଏମସି । ପୋଲିସ ବି ଯାତ୍ରା ଆୟୋଜକ କମିଟିକୁ କରାଇଲେ ସତର୍କ । ଅଶ୍ଳୀଳ ନୃତ୍ୟ  କଲେ ଯାତ୍ରା ବନ୍ଦ କରିଦେବାକୁ ଚେତାବନୀ ଦେଇଛି ପ୍ରଶାସନ । ଯାତ୍ରା ପାର୍ଟିମାନେ ଯେମିତି ବାହାରୁ ନୃତ୍ୟ ଶିଳ୍ପୀ ଆଣି ଯାତ୍ରା ପରିବେଷଣ ନକରିବେ, ନିଜ କଳାକାରଙ୍କୁ ନେଇ ଯାତ୍ରା ପରିବେଷଣ କରିବେ ତାହା ନିଶ୍ଚିତ କରିବାକୁ କୁହାଯାଇଛି । ଏଥିସହ ଯାତ୍ରା ପାର୍ଟି ମାନେ ମଞ୍ଚରେ ଯେମିତି କୌଣସି ଅଶ୍ଳୀଳ ନୃତ୍ୟ ପରିବେଷଣ ନକରିବେ, ତାହା ନିଶ୍ଚିତ କରିବାକୁ କୁହାଯାଇଛି । ବିଶେଷକରି ଅଶ୍ଳୀଳ ନୃତ୍ୟ କରି ଚର୍ଚ୍ଚାରେ ଥିବା ରାଣୀ ପଣ୍ଡାଙ୍କ ନୃତ୍ୟ ଉପରେ ସ୍ୱତନ୍ତ୍ର ନଜର ଦେବାକୁ କୁହାଯାଇଛି । ରାଣୀ ପଣ୍ଡା କେବଳ ପୂରା ପୋଷାକରେ ନୃତ୍ୟ ପରିବେଷଣ କରିବାକୁ ଅନୁମତି ଦିଆଯାଇଛି । ଏହାଦ୍ୱାରା ସାଧାରଣ ଲୋକ ପରିବାର ସହ ଯାତ୍ରା ଦେଖିବାକୁ ଆସିବେ ବୋଲି କୁହାଯାଉଛି । ପ୍ରଶାସନର ଏପରି ନିର୍ଦ୍ଦେଶକୁ ସ୍ୱାଗତ ଜଣାଇଛନ୍ତି ବହୁ କଳାକାର । କରୋନା ଯୋଗୁଁ ଦୁଇ ବର୍ଷର କଟକଣା ପରେ ଏଥର ପୁଣି ଥରେ କମ୍ପିବ ଖଣ୍ଡଗିରି ଯାତ୍ରା ପଡିଆ ।