ଶେଷରେ ବାଜି ମାରିଦେଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ମିଳିଲା ବଡଚଣା ଟିକେଟ

ଭୁବନେଶ୍ବର: ଶେଷରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ଟିକେଟ ଦେଇଛି ବିଜେଡି। ସେ ବଡଚଣାରେ ଲଢେଇ କରିବେ ବୋଲି ଆଜି ଦଳର ସଭାପତି ନବୀନ ପଟ୍ଟନାୟକ ଘୋଷଣା କରିଛନ୍ତି। ବଡଚଣାରେ ବର୍ତ୍ତମାନ ବିଧାୟକ ଅଛନ୍ତି ଅମର ଶତପଥୀ। ସେ ସେଠାରେ ଦୀର୍ଘ ବର୍ଷ ଧରି ରାଜନୀତି ସହିତ ଅଛନ୍ତି। ହେଲେ ଦଳ ତାଙ୍କୁ ଏଥର ଟିକେଟ ଦେବ ନାହିଁ ବୋଲି ପୂର୍ବରୁ ଜଣାପଡିଥିଲା। ତେବେ ବଡଚଣାରେ ଅମରଙ୍କ ସହିତ ଆହୁରି ଅନେକ ଆଶାୟୀ ଥିଲେ। ହେଲେ ଶେଷରେ ବାଜି ମାରିଦେଲେ ଅଭିନେତ୍ରୀ ବର୍ଷା। ନିକଟରେ ସେ ବିଜେଡିରେ ଯୋଗଦେବା ପରେ ଦଳ କେଉଁଠାରୁ ଛିଡା କରିବ ସେ ନେଇ ଚର୍ଚ୍ଚା ଚାଲିଥିଲା। ଯାହା ଆଜି ସେହି ଚର୍ଚ୍ଚାରେ ଭଟ୍ଟା ପଡିଛି।