ଲଘୁଚାପ ହେବ ବୋଲି ପାଣିପାଗ ବିଭାଗର ସୂଚନା, ବାତ୍ୟା ହେବାର ରହିଛି ସମ୍ଭାବନା

ଭୁବନେଶ୍ବର: ଅକ୍ଟୋବରରେ ଏକ ବାତ୍ୟା ହେବ ବୋଲି ବିଦେଶୀ ପାଣିପାଗ ସଂସ୍ଥା ଯେଉଁ ଆକଳନ କରିଥିଲେ ତାହା ସତ ହେବ ବୋଲି ଅନୁମାନ କରାଯାଉଛି। କାରଣ  ଆସନ୍ତା ୨୯ ତାରିଖରେ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ହେବ ବୋଲି ଭାରତୀୟ ପାଣିପାଗ ବିଭାଗ କହିଛି। ଏହା ପରବର୍ତ୍ତୀ ୨୪ ଘଣ୍ଟାରେ ଲଘୁଚାପ ସୃଷ୍ଟି ହେବ ବୋଲି ବିଭାଗ କହିଛି। ତେବେ ଏହା ପରବର୍ତ୍ତି ସମୟରେ ବାତ୍ୟା ହେବ କି ନାହିଁ ତାହା ପାଣିପାଗ ବିଭାଗ କହି ନାହିଁ। ପୂର୍ବରୁ ବିଦେଶୀ ସଂସ୍ଥା ବଙ୍ଗୋପସାଗରରେ ବାତ୍ୟା ସୂଚନାକୁ ଭାରତୀୟ ପାଣିପାଗ ବିଭାଗ ଖଣ୍ଡନ ମଧ୍ୟ କରିଛି। ହେଲେ ବର୍ତ୍ତମାନ ଯାହା ସ୍ଥିତି ଜଣାପଡିଛି ପରବର୍ତ୍ତି ସମୟରେ ଏହି ଲଘୁଚାପ ବାତ୍ୟାକୁ ସୃଷ୍ଟି ହେବ ବୋଲି ସମ୍ଭାବନାକୁ ଏଡାଇ ହେବ ନାହିଁ।