ଜେଲରେ ଥିବା ମାଫିଆ ମୁଖତାର୍ ଅନସାରୀଙ୍କ ହୃଦଘାତରେ ମୃତ୍ୟୁ

ନୂଆଦିଲ୍ଲୀ: ବାହୁବଲୀ ପୂର୍ବତନ ବିଧାୟକ ମୁଖତାର ଅନସାରୀଙ୍କ ଦେହାନ୍ତ ହୋଇଛି। ସୂଚନାନୁସାରେ, ଜେଲରେ ହୃଦଘାତରେ ପୀଡିତ ହେବା ପରେ ତାଙ୍କୁ ଡାକ୍ତରଖାନା ନିଆଯାଇଥିଲା ଯେଉଁଠାରେ ତାଙ୍କର ମୃତ୍ୟୁ ଘଟିଛି। ମୁଖତାର ଅନସାରୀଙ୍କ ମୃତ୍ୟୁ ପରେ ବାନ୍ଦା ମେଡିକାଲ କଲେଜ ପରିସରରେ ସୁରକ୍ଷା ବ୍ୟବସ୍ଥା ବୃଦ୍ଧି କରାଯାଇଛି। ସୂଚନା ଅନୁଯାୟୀ ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ଅଣାଯାଇଥିଲା। ଡାକ୍ତରଖାନା ବିବୃତ୍ତି ଅନୁଯାୟୀ, ମୁଖତାର୍ ଅନସାରୀଙ୍କୁ ଅଚେତ ଅବସ୍ଥାରେ ଅଣାଯାଇଛି। ଯେଉଁଠାରେ ତାଙ୍କୁ ୯ ଡାକ୍ତରଙ୍କ ଏକ ଟିମ୍ ଚିକିତ୍ସା ଯୋଗାଇ ଦେଇଥିଲା କିନ୍ତୁ ଚିକିତ୍ସା ସମୟରେ ମୁଖତାର୍ ଅନସାରୀଙ୍କର ମୃତ୍ୟୁ ହୋଇଥିଲା। ମୁଖତାର୍ ଅନସାରୀଙ୍କ ମୃତ୍ୟୁ ପରେ ସିଏମ୍ ଯୋଗୀ ଆଦିତ୍ୟନାଥ ଏକ ଜରୁରୀ ବୈଠକ ଡାକିଛନ୍ତି। ସିଏମ୍ ଯୋଗୀ ଆଦିତ୍ୟନାଥ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ଯେ, କୌଣସି ପରିସ୍ଥିତିରେ ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହେବ ନାହିଁ। ଆଇନ ଶୃଙ୍ଖଳା ପରିସ୍ଥିତିକୁ ନେଇ ରାଜ୍ୟର ଅନେକ ସ୍ଥାନରେ ପ୍ରଶାସନକୁ ସତର୍କ କରାଯାଇଛି। ଧାରା ୧୪୪ ସମଗ୍ର ରାଜ୍ୟରେ ଲାଗୁ କରାଯାଇଛି।