ଘୋଷଣା ହେଲା ଦିଲ୍ଲୀ ବିଧାନସଭା ନିର୍ବାଚନ ତାରିଖ

ନୂଆଦିଲ୍ଲୀ: ଆଜି ଦିଲ୍ଲୀ ବିଧାନସଭା ନିର୍ବାଚନ ପାଇଁ ନିର୍ବାଚନ ଆୟୁକ୍ତ ନିର୍ବାଚନ ତାରିଖ ଘୋଷଣା କରିଛନ୍ତି। ଦିଲ୍ଲୀ ବିଧାନସଭା ନିର୍ବାଚନ ଗୋଟିଏ ପର୍ଯ୍ୟାୟରେ ଅନୁଷ୍ଠିତ ହେବ। ଫେବୃୟାରୀ ୫ ତାରିଖରେ ମତଦାନ ଅନୁଷ୍ଠିତ ହେବ। ଫେବୃୟାରୀ ୮ ତାରିଖରେ ଫଳାଫଳ ଘୋଷଣା ହେବ। ଉଲ୍ଲେଖ ଯୋଗ୍ୟ ଯେ, ଦିଲ୍ଲୀ ବିଧାନସଭାର କାର୍ଯ୍ୟକାଳ ଫେବୃଆରୀ ୨୩ ତାରିଖରେ ଶେଷ ହେଉଛି। ଦିଲ୍ଲୀର ବିଜ୍ଞାନ ଭବନରେ ନିର୍ବାଚନ ଆୟୋଗ ନିର୍ବାଚନ ତାରିଖ ଘୋଷଣା କରିଛନ୍ତି। ୨୦୨୦ ମସିହାରେ ଜାନୁଆରୀ ୬ ତାରିଖରେ ନିର୍ବାଚନ ତାରିଖ ଘୋଷଣା କରାଯାଇଥିଲା। ଫେବୃଆରୀ ୮ ତାରିଖରେ ଭୋଟ୍ ଦେବା ପରେ ଫେବୃଆରୀ ୧୧ ତାରିଖରେ ଭୋଟ୍ ଗଣନା କରାଯାଇଥିଲା। ଯେଉଁଥିରେ ଆମ୍ ଆଦମୀ ପାର୍ଟିକୁ ଏକ ବମ୍ପର ବିଜୟ ମିଳିଥିଲା। ନିର୍ବାଚନରେ ​​ଆମ୍ ଆଦମୀ ପାର୍ଟି ଦିଲ୍ଲୀର ମୋଟ ୭୦ ଟି ବିଧାନସଭା ଆସନ ମଧ୍ୟରୁ ୬୨ ଟି ଜିତିଥିବାବେଳେ ବିଜେପି ମାତ୍ର ଆଠଟି ସିଟ୍ ଜିତିଥିଲା। ଆଜି ଦିଲ୍ଲୀ ବିଧାନସଭା ନିର୍ବାଚନ ପାଇଁ ECI ଅନ୍ତିମ ଭୋଟର ତାଲିକା ପ୍ରକାଶ କରିଛି। ଏହି ତାଲିକାରେ ମୋଟ ୧ କୋଟି ୫୫ ଲକ୍ଷ ୨୪ ହଜାର ୮୫୮ ଭୋଟର ପଞ୍ଜିକୃତ ହୋଇଛନ୍ତି। ଏଥିମଧ୍ୟରୁ ୮୩ ଲକ୍ଷ ୪୯ ହଜାର ୬୪୫ ପୁରୁଷ ଭୋଟର ହୋଇଥିବାବେଳେ ୭୧ ଲକ୍ଷ ୭୩ ହଜାର ୯୫୨ ମହିଳା ଭୋଟର ଅଟନ୍ତି।